અમેરિકાની કોર્ટે દિગ્ગજ હેલ્થ કેર કંપની જૉનસન એન્ડ જૉનસન પર 57.20 કરોડ ડોલર(અંદાજે 41 અરબ રૂપિયા)નો દંડ ફટકાર્યો છે. કોર્ટે આ દંડ નશીલી દવાઓના ઉપયોગ સાથે જોડાયેલા ઓપૉયડ સંકટ મામલે લગાવામાં આવ્યો છે.
કોર્ટે જૉનસન એન્ડ જૉનસન પર 41 અરબનો દંડ ફટકાર્યો
અમેરિકામાં 18 વર્ષમાં ચાર લાખ લોકોના મોત થયા
અમેરિકામાં ઓપૉયડ બનાવનારી કંપનીઓ પર 2500 કેસ ચાલી રહ્યાં છે
અમેરિકાની આ કંપનીમાં બનનારી પેઇન કિલર દવાઓને ઓપૉયડ કહેવામાં આવે છે, જો કે કેટલાંક લોકો તેનો નશા માટે પ્રયોગ કરતા હોય છે. અમેરિકાનું રોગ નિયંત્રણ કેન્દ્ર અને નિવારણ કેન્દ્રના અનુસાર દેશમાં ઓપૉયડના કારણે 1999થી 2017 સુધીમાં અંદાજે 4 લાખ લોકોના મોત થયા છે.
ઓકલાહોમાની ક્લેવલેન્ડ કાઉન્ટીની જિલ્લા કોર્ટના જજ થાડ બાકમેને પોતાના નિર્ણયમાં જણાવ્યું છે કે કંપનીએ જાણીજોઇને ઓપૉયડના જોખમને નજરઅંદાજ કર્યુ અને પોતના ફાયદા માટે ડૉકટરોને નશીલી દર્દ નિવારક દવાઓને લખવા માટે પોતાના પક્ષમાં લીધા.
જજે રાજ્ય સરકાર તરફથી ઓપૉયડ પીડિતના ઇલાજ માટે માગવામાં આવેલી રકમની સરખામણીએ જૉનસન એન્ડ જૉનસનને ઘણો ઓછો દંડ ચૂકવવા આદેશ કર્યો છે. રાજ્ય સરકારે 17 અરબ ડોલરની માંગણી કરી હતી.
જજે જણાવ્યું હતું કે જૉનસન એન્ડ જૉનસન કંપનીએ રાજ્યના કાયદાનું ઉલ્લંઘન કર્યું છે. કંપનીની ખોટી, ભ્રામક અને ખોટી માર્કેટીંગના કારણે ઝડપથી નશાની લત વધી અને ઓવરડૉઝના કારણે મોતના મામલાઓ સામે આવ્યા.
રાજ્યના પ્રમુખ અટૉર્ની બ્રૉડ બેકવર્થે કહ્યું, અમે આ સાબિત કર્યું છે કે ઓપૉયડ સંકટનું મુખ્ય કારણ જૉનસન એન્ડ જૉનસન છે. કંપનીએ 20 વર્ષ દરમિયાન આ દવાથી અરબો ડોલરની કમાણી કરી છે.
જો કે આ નિર્ણય પર જૉનસન એન્ડ જૉનસનની મહિલા વકીલે કહ્યું કે અમારી પાસે અપીલ કરવા મજૂબત આધાર છે અને અમે હાઇકોર્ટમાં તેને પડકારીશું. આ નિર્ણય પર ઓપૉયડ દવા બનાવનાર અંદાજે બે ડઝન કંપનીઓની નજર હતી, કારણે કે આ પ્રકારની દવાઓ બનાવનાર કંપની, વિતરકો અને વિક્રેતાઓ પર અમેરિકામાં આ પ્રકારના અંદાજે 2500 કેસ ચાલી રહ્યાં છે.