વિવાદ વકર્યો / બાબા રામદેવે કહ્યું, આ મૅડિકલ માફિયાઓમાં તાકાત હોય તો આમિર ખાન સામે મોરચો માંડી બતાવે, VIDEO શૅર કર્યો

• બાબા રામદેવે લોકપ્રિય શો સત્યમેવ જયતેનો જુનો વીડિયો શેર કર્યો
• સત્યમેવ જયતેના એન્કર હતા બોલીવુડ એક્ટર આમીરખાન
• વીડિયોમાં આમીરખાન અને ગેસ્ટ ડોક્ટરે દવાઓના ભાવની કરી ચર્ચા
• આ વીડિયો શેર કરીને રામદેવે ડોક્ટરોને પડકાર્યાં 

એલોપેથી અને એલોપેથી ડોક્ટરો પરના વિવાદાસ્પદ નિવેદનો પર ઉઠેલા વિરોધ વંટોળની વચ્ચે બાબા રામદેવે આમીરખાનના લોકપ્રિય શો સત્યમેવ જયતેનો એક જૂનો વીડિયો શેર કર્યો. વીડિયો ડો.સમીત શર્મા દવાઓના બેફામ ભાવના મુદ્દે ચર્ચા કરી રહ્યાં હતા. 

इन मेडिकल माफियाओं में हिम्म्त है तो आमिर खान के खिलाफ मोर्चा खोलें-

वीडियो साभार-स्टार प्लस pic.twitter.com/ZpNT8CSohD

— स्वामी रामदेव (@yogrishiramdev) May 29, 2021

બાબા રામદેવે 2012 ની સાલમાં ટ્વિટર પર મુકાયેલા આ એપિસોડની ક્લીપ શેર કરી કરી. આ ક્લીપમાં બાબા રામદેવે કથિત મેડિકલ માફિયાને પડકાર આપ્યો કે જો તેમનામાં હિંમત હોય તો દવાઓની કિંમતના મુદ્દે ચર્ચા કરી રહેલા આમીરખાન અને ડોક્ટર સમીત શર્માની સામે વિરોધ કે દાવો માંડી જુઓ. 

વીડિયોમાં સત્યમેવ જયતેના ગેસ્ટ ડોક્ટર સમીત શર્મા શું કહી રહ્યાં હતા

સત્યમેવ જયતેના ગેસ્ટ ડોક્ટર સમીત શર્મા કહી રહ્યાં હતા. દવાઓની મૂળ કિંમત તો ઘણી ઓછી છે પરંતુ જ્યારે આપણે 10 થી 50 ટકા સુધી વધારે કિંમતે દવાઓ ખરીદીએ છીએ. દેશમાં દવાઓ તો ખૂબ મોંઘા ભાવે વેચાય છે. ભારતમાં તો 40 કરોડ લોકોને બે ટંકની રોટી પણ મળતી નથી. શું તેમને આવી મોંઘી દવાઓ ખરીદવાનું પરવડી શકશે. આ દરમિયાન શોના એન્કર આમીરખાન વચ્ચેથી અટકાવીને ગેસ્ટને પૂછે છે કે શું આ કારણે ઘણા લોકો દવાઓ ખરીદી શકતા નથી. 

બ્લડ કેન્સરના એક પેકેટની કિંમત રુ.1.25 લાખ-ડોક્ટર સમીત શર્મા વીડિયોમાં કહી રહેલા જોઈ શકાતા હતા 

ડોક્ટર સમીત શર્માએ આમીરખાનની વાતમાં ટાપશી પૂરાવતા હકારમાં ડોકું હલાવ્યું. ત્યાર બાદ ડોક્ટર શર્મા આગળ કહે છે કે WHO નું કહેવું છે કે આઝાદીના 65 વર્ષ બાદ પણ ભારતના 65 ટકા લોકોને મોંઘી દવાઓ ખરીદવાનું પરવડતું નથી. ઉદાહરણ આપતા તેમણે કહ્યું કે બ્લડ કેન્સરના એક પેકેટની કિંમત રુ.1.25 લાખ છે. બીજી કેટલીક જેનેરિક દવાઓ પણ 10,000 ની આસપાસ મળતી હોય છે.