બિઝનેસ / વિપ્રોને અજીમ પ્રેમજી કહેશે અલવિદા, જુઓ કોને સોંપાશે કંપનીનો કારભાર?

દેશની દિગ્ગજ આઇટી કંપનીઓમાંની એક પ્રસિદ્ધ કંપની વિપ્રોનાં સંસ્થાપક અને હાલમાં એક્ઝિક્યૂટીવ ચેરમેન અને પ્રબંધ નિર્દેશક અજીમ પ્રેમજીએ પોતાનાં રિટાયરમેંટની જાહેરાત કરી દીધી છે. 73 વર્ષનાં પ્રેમજીએ કહ્યું કે, તેઓ 30 જુલાઇનાં રોજ રિટાયર થશે.

પુત્ર સંભાળશે કમાનઃ
કંપનીએ અજીમનાં પુત્ર રિશદ પ્રેમજીને આગામી પાંચ વર્ષો માટે પૂર્ણકાલિક નિર્દેશક અને એગ્ઝિક્યૂટિવ ચેરમેન પર નિયુક્ત કરી દીધેલ છે. રિશદ હવે વિપ્રો સમૂહની જવાબદારી સંભાળશે. તેમની નિયુક્તિ 31 જુલાઇથી પ્રભાવી માનવામાં આવશે.

510 કરોડનું છે નેટવર્થઃ
ફોર્બ્સની યાદીમાં પ્રેમજીનું સ્થાન વિશ્વમાં 38માં સ્થાન પર છે. તેમની કુલ નેટવર્થ 510 કરોડ રૂપિયા છે. નાણાંકીય વર્ષ 2018માં તેઓ ભારતમાં બીજા નંબર પર અરબપતિ હતાં. પહેલાં નંબર પર રિલાયન્સ ઇન્ડસ્ટ્રીઝનાં માલિક મુકેશ અંબાણી છે.

માર્ચમાં 34 ટકા શેર દાન કરાયા હતાં:
આઇટી દિગ્ગજ અને વિપ્રોનાં અધ્યક્ષ અજીમ પ્રેમજીએ વિપ્રો લિમિટેડનાં 34 ટકા શેર પરોપકાર કાર્યને માટે દાન કરી દીધાં છે. આ શેરનું બજાર મૂલ્ય 52,750 કરોડ રૂપિયા છે. અજીમ પ્રેમજી ફાઉન્ડેશને નિવેદનમાં કહ્યું કે, 'અજીમ પ્રેમજીએ પોતાની ખાનગી સંપત્તિઓનો ત્યાગ કરી, તેને ધર્માર્થ કાર્ય માટે દાન કરીને પરોપકાર પ્રત્યે પોતાની પ્રતિબદ્ધતા વધારી છે. જેનાંથી અજીમ પ્રેમજી ફાઉન્ડેશનનાં પરોપકાર કાર્યોને સહયોગ મળશે.'