58 વસ્તુઓ ભેગી કરી ચાર કલાકની પ્રોસેસ બાદ બનતો જામનગરનો સ્પેશ્યલ ઘૂટો ચાખ્યો છે? ના તો બનાવવા તૈયાર થઈ જાઓ. આ રહી રીત.
જામનગર અને સૌરાષ્ટ્રમાં વાડીએ અને ખેતરે પાર્ટીમાં શિયાળીની સાંજે અને રાતે બધા ભેગા મળીને બાજરીના રોટલા અને ઘૂટો બનાવે છે ત્યારે પીઝા પાસ્તાની ડિશના શોખીન લોકો પણ આ ડીશની જયાફત ઉઠાવવા સ્પેશ્યલ જામનગર સૌરાષ્ટ્રની વાડીઓનો પ્રવાસ માણે છે. આવો જાણીએ આ પારંપરીક ઘૂટો વીશે.
શું શું જોઈએ?
શિયાળામાં મળતા તમામ શાકભાજી અને ફળ તેમજ કઠોળને ભેગા કરી ચાર કલાક ઉકાળીને ઘૂટો બને છે.
શું શું શાક જોઈએ
આદુ, લીંબુ, લીલી હળદર, ટામેટા, તાદરજાની ભાજી, સુવાની ભાજી, મેથીની ભાજી, દૂધી, ચોળી, રીંગળા, બટેટા, કોબીજ, ફલાવર, ગુવાર, વટાણા, વાલોરના બી, લીલા ચણા, દુધી, ટમેટા, લીલા મરચા, કોથમીર, મેથી, સુરણ, રતાળુ, ગાજર, લીલી તુવેર, લીલું લસણ, મોગરી, મૂળો, લીલી ડુંગળી, લીલા વટાણા, સક્કરિયા, બચટા, ટીંડોડા, ગલકા, તુરીયા, ટીંડિયા, કોથમીર, ફુદીનો, બીટ સહિતના 33થી વધુ જાતના શાકભાજી સફજન, દાડમ, કેળા, પપૈયા વગેરે ફળો, મરી, તજ, લવિંગ, બાદિયા, જાવિંત્રી, તમાલપત્ર સહિતના આખા મસાલા, મીઠું અને પાણીને ભેગું કરીને ઘૂટો બનાવવામાં આવે છે.
કેવી રીતે બને છે ઘુટો?
ફ્રુટ સહિતના શાકભાજીનું જીણું કટીંગ કરીને એક ટોપમાં પાણી ભરીને તેને ઉકાળીને તેમાં નાખવુ. ત્યારબાદ લાકડાના હાથા વડે તેને હલાવવુ (ઘુટવુ).આમ, આ બત્રીસ જાતના શાકભાજી તથા ફળને ઘુટયા બાદ એકદમ રગડા જેવુ પીસાઇ ગયા બાદ આ ગરમાગરમ ઘૂટોનો આસ્વાદ માણી શકાય છે.