વાયરલ વીડિયો / ચાલુ મેચમાં ઘૂસી ગયું શિયાળીયું, ખેલાડીઓ પણ ગભરાઈ ગયા, જુઓ પછી શું થયું?

લાઇવ ક્રિકેટ મેચ દરમિયાન એક શિયાળ ગ્રાઉન્ડમાં ઘુસી જતા હડકંપ મચી ગયો હતો.  આ ઘટના બ્રિટનમાં રમાઇ રહેલી વાઈટૈલિટી T-20 બ્લાસ્ટ ટુર્નામેન્ટમાં બની હતી. શિયાળનો આ વીડિયો સોશિયલ મીડિયામાં ખુબ વાયરલ થઈ રહ્યો છે.

વધુ વાંચો : BSNLનો જબરદસ્ત રિચાર્જ પ્લાન, સસ્તા ભાવમાં મળશે 320 GB ડેટા સાથે 5 મહિનાની વેલિડિટી

લંડનમાં હેમ્પશાયર અને સરે વચ્ચે જ્યારે મુકાબલો ચાલી રહ્યો હતો તે વખતે અચાનક એક શિયાળ ગ્રાઉન્ડમાં ઘુસી ગયું હતું. પરંતુ આ દરમિયાન એક સારી વાત એ રહી કે, તેને ગ્રાઉન્ડમાંથી કાઢવા કોઈ વ્યક્તિની જરૂર નહતી પડી.  શિયાળ દોડીને પોતાની રીતે જ ગ્રાઉન્ડમાંથી બહાર નિકળી ગયું હતું. દર્શકો પણ આ જોઈને થોડી વાર માટે દંગ રહી ગયા.

હવે જ્યારે આ વીડિયો વાયરલ થયો છે, ત્યારે તેની પર વિવિધ પ્રતિક્રિયા આવી રહી છે. એક યુઝરે લખ્યું કે, "બિલકુલ ફિલ્મ જેવી એન્ટ્રી છે." તો બીજા એકે લખ્યું કે, "શિયાળ જ માણસોથી ડરી ગયું છે." અન્યએ લખ્યું કે, "એવું લાગે છે કે શિયાળ અમુક રન બનાવા માંગે છે."તો કેટલાકે fox નેટવર્ક પર મજાક કરતા લખ્યું હતું કે, "Fox news આ તમે છો?"

ઉલ્લેખનીય છે કે, સરે અને હેમ્પશાયર વચ્ચેની આ મેચમાં હેમ્પશાયરે 184 રનનો ટાર્ગેટ આપ્યો હતો. સરેની ટીમે આ ટારગેટ પાંચ બોલ બાકી હતા ત્યારે જ ચેજ કરી નાખ્યો હતો. સરેની ટીમનાં સેમ કરને આ મેચમાં સદી મારી હતી. તેને 58 બોલમાં 102 રન કર્યા હતા.