ડ્રાઈવિંગ ટિપ્સ / શિયાળામાં ધુમ્મસમાં આ રીતે ચલાવો સેફ્ટી સાથે કાર, ટિપ્સ કરશે તમારી મદદ

• ડ્રાઈવિંગ માટે કામની છે આ સેફ્ટી ટિપ્સ
• શિયાળામાં કાર ચલાવવામાં મદદ કરશે આ ટિપ્સ
• ધુમ્મસમાં ગાડી ચલાવવા માટે મહત્વની છે આ ટિપ્સ

હાલમાં ઠંડીની સીઝન શરૂ થઈ ચૂકી છે. ભારતના અનેક ભાગમાં ઠંડીની શરૂઆત પણ થઈ ચૂકી છે. આ સમયે ડ્રાઈવિંગ માટે લોકોને અનેક સમસ્યાઓનો સામનો કરવો પડે છે. આ સમયે જો સુરક્ષિત ડ્રાઈવિંગ કરવામાં આવે તો તમે સેફ્ટી સાથે વાહન ચલાવી શકો છો. તો આજથી જ ટ્રાય કરી લો આ ટિપ્સ.

• સૌથી મહત્વની વાત એ છે કે ધુમ્મસ સમયે હંમેશા વાહનની ગતિ પર ધ્યાન આપો. વાહનની સ્પીડ ધીમી રાખો. જો તમે સ્પીડમાં વાહન ચલાવશો તો કોઈ વસ્તુ, વ્યક્તિ, પશુના સામે આવી જતાં તમે કંટ્રોલ કરી શકશો નહીં. જેના કારણે તમને કે વાહનને અથવા સામેની વ્યક્તિને પણ નુકસાન થઈ શકે છે.
• મોટાભાગે જોવા મળે છે કે લોકો વાહન ચલાવતી સમયે ઠંડીમાં ગાડીની બારી સંપૂર્ણ રીતે બંધ કરે છે.પરંતુ જ્યારે તમે ધુમ્મસમાં ગાડી ચલાવો છો ત્યારે બારી થોડી ખુલ્લી રાખો. જેથી સડક પર આવતા જતા વાહનોનો અવાજ તમને સંભળાઈ શકે. ગાઢ ધુમ્મસમાં શાંત સડક પર વાહનોનો અવાજ ગાડી ચલાવવામાં તમારી મદદ કરી શકે છે. 

• ધુમ્મસમાં ગાડી ચલાવતી સમયે જો તમે ગાડીની હેડલાઈટને હાઈ બીમ મોડમાં રાખો છો તો આ ખોટું છે. આમ કરવાથી ધુમ્મસની લાઈટનું રિફ્લેક્શન તમારી આંખો પર પડશે અને સાથે જ ડ્રાઇવિંગ તમારા માટે મુશ્કેલ બની શકે છે. આ માટે તમે વાહનની લાઈટને લો બીમ મોડ પર રાખો. આમ કરવાથી ગાઢ ધુમ્મસમાં તમારી હાડીની સામે આવનજાવન સ્પષ્ટ રીતે દેખાશે.
• કડકડતી ઠંડીમાં વાહન ચલાવતી સમયે વાઈપરનો શક્ય તેટલો વધારે ઉપયોગ કરવાનું રાખો. તેના કારણે કાચ પર પડતા ધુમ્મસને સાફ કરવામાં મદદ મળતી રહેશે. સડક પણ સારી રીતે જોવામાં તમને મદદ મળશે. જેનાથી એક્સીડન્ટની સંભાવના ઓછી થશે.
• ગાડી ચલાવતી સમયે સડકના કિનારે બનેલા દિશા નિર્દેશને ધ્યાનમાં રાખો. સારું રહેશે જ્યારે તમે એક ગાઈડની રીતે તેનો ઉપયોગ કરશો. તે તમારા વાહનને સડકની વચ્ચોવચ સીધા રસ્તે તમને લઈ જવામાં મદદ કરશે.
• ધુમ્મસમાં વાહન ચલાવતી સમયે તેને રોકવા માટે હંમેશા સડકના કિનારાનું ધ્યાન રાખો. કોશિશ કરો કે ગાડી કિનારા પર રોક્યા બાદ હજાર્ડ લાઈટ્સ ઓન રાખો. આમ કરવાથી તમે પાછળની તરફથી અને આવી રહેલા વાહનોથી સુરક્ષિત રહેશે.