COLD WAVE / ગરમ કપડા હાથવગા રાખજો: ગુજરાતમાં શિયાળાનો શુભાંરભ થયો, ગાઢ ધુમ્મુસથી સૌરાષ્ટ્ર ઠર્યુ

• નલિયા, સૌરાષ્ટ્ર સહિતના શહેરોમાં ઠંડીનો વધુ અહેસાસ
• રાજ્યોમાં થયેલી હિમવર્ષાની અસર ગુજરાતમાં જોવા મળશે
• ગુજરાતના હાઈવે પર છવાયું ધુમ્મસ

ઋતુચક્રમાં આવેલા ફેરફાર ના પરિણામે ઠંડીનું આગમન પણ મોડુ થયુ છે. ગુજરાતભર માં ધીમે પગલે ઠંડી જમાવટ કરી રહી છે. વહેલી સવાર અને મોડી રાત્રે ઠંડી નો અનુભવ લોકો કરી રહ્યા છે. ખાસ કરીને નલિયા, સૌરાષ્ટ્ર સહિતના શહેરોમાં ઠંડીનો વધુ અહેસાસ થતો હોવાનું જાણવા મળ્યુ છે.

રાજ્યોમાં થયેલી હિમવર્ષાની અસર ગુજરાતમાં જોવા મળશે

હવામાન વિભાગ દ્વાર શીત લહેર વધવાની આગાહી કરવામાં આવી છે. ગુજરાતીઓ ફરી એકવાર ઠંડીને કારણે થથરી ઉઠશે. સૌરાષ્ટ્ર રાજકોટ અને અમરેલી તથા કચ્છમાં ઠંડીનો ચમકારો વર્તાશે. પહાડી રાજ્યોમાં થયેલી હિમવર્ષાની અસર ગુજરાતમાં જોવા મળશે.

 
ગુજરાતના હાઈવે પર છવાયું ધુમ્મસ

ઉત્તરમાં હિમવર્ષાને કારણે સૌરાષ્ટ્રના હાઈવે પર ગાઢ ધુમ્મસ છવાયું હતુ. જેને પગલે વહેલી સવારે અને સવારના 8-9 વાગ્યા સુધી લોકોએ હેડલાઈટનો ઉપયોગ કરવો પડ્યો હતો. હજુ વધુ ઠંડી પડવાની આગાહી છે.