ચોમાસા બાદ હવે શિયાળામાં પણ રેકોર્ડ બ્રેક ઠંડી પડશે. છેલ્લા બે ત્રણ દિવસથી રાજ્યમાં ઠંડીનો ચમકારો જોવા મળી રહ્યો છે. આવનારા શિયાળામાં તાપમાન 5 ડિગ્રી સુધી ગગડવાની આગાહી કરવામાં આવી રહી છે. સામાન્ય રીતે ડિસેમ્બરમાં 7.5 સુધી તો તાપમાન પહોંચી જ જાય છે પણ આ વર્ષે ઠંડી વધુ પડે તેવી સંભવના છે.
ડિસેમ્બરમાં પારો 7.4 ડિગ્રીએ પહોંચે છે
ડિસેમ્બર-ફેબ્રુઆરીમાં કેમ વધુ ઠંડી પડે છે
ડિસેમ્બરથી ફેબ્રુઆરીમાં polar vortex નબળો પડે છે
પવનની દિશા બદલાઇને હિમાલય તરફથી ઉત્તરથી પૂર્વનાં ઠંડા પવનોથી વહેલી સવારે અને મોડી રાત્રે ઠંડી વર્તાઇ રહી છે. જો કે, ઓક્ટોબરનાં છેલ્લાં અઠવાડિયાથી અમદાવાદમાં ઠંડી ધીરે ધીરે જોર પકડશે.
ઓક્ટોબરના છેલ્લા અઠવાડિયા પડશે વધુ ઠંડી
અમદાવાદમાં ઓક્ટોબરનાં છેલ્લાં અઠવાડિયાથી ઠંડીનું પ્રમાણ વધશે. 15 નવેમ્બરથી શહેરમાં ઠંડીનો પારો 15 ડિગ્રીથી નીચે જ્યારે 15 ડિસેમ્બરથી લઘુતમ તાપમાન 10 ડિગ્રી નીચે જશે. છેલ્લાં 7 વર્ષમાંથી 4 વર્ષ દરમિયાન ડિસેમ્બરમાં ઠંડીનો પારો 7.4થી 8.3 ડિગ્રી વચ્ચે નોંધાયો છે. શિયાળાની સિઝનમાં ડિસેમ્બરથી ફેબ્રુઆરીમાં પોલર વોર્ટેક્સ નબળો પડતાં ઠંડીનો પારો 8.0 ડિગ્રી સુધી ગગડવાની શક્યતા હવામાન વિભાગે દર્શાવી છે.
ડિસેમ્બરમાં પારો 7.4 ડિગ્રીએ પહોંચે છે
છેલ્લાં 7 વર્ષમાં એટલે કે 2012થી 2018 શિયાળાની સિઝનમાં 20થી 29 ડિસેમ્બર વચ્ચે 7.4થી 8.3 ડિગ્રી વચ્ચે સૌથી નીચું લઘુતમ તાપમાન નોંધાયું હતું. છેલ્લાં સાત વર્ષોમાં 15 ડિસેમ્બર-2014નાં રોજ સૌથી નીચું 7.4 ડિગ્રી લઘુતમ તાપમાન નોંધાયું હતું.
નવેમ્બરમાં 15 ડિગ્રી ઠંડી પડશે
5 નવેમ્બરથી શહેરમાં ઠંડીનો પારો 15 ડિગ્રીથી નીચે જ્યારે 15 ડિસેમ્બરથી લઘુતમ તાપમાન 10 ડિગ્રી નીચે પહોંચવાની શક્યતા છે. તેમજ આ વર્ષે પણ ડિસેમ્બરનાં છેલ્લાં અઠવાડિયામાં લઘુતમ તાપમાન 8.0 ડિગ્રી કે તેનાથી નીચે જઇ શકે છે.
ડિસેમ્બર-ફેબ્રુઆરીમાં કેમ વધુ ઠંડી પડે છે
ડિસેમ્બરથી ફેબ્રુઆરીમાં polar vortex (પૃથ્વીનાં ઉપરનાં વાતાવરણનાં પવનો) નબળો પડે છે, જેથી વેસ્ટર્ન ડિસ્ટર્બન્સ વધુ સર્જાય છે. તેની સાથે પવનની દિશા અને એન્ટિ સાઈક્લોનની અસરથી ઉપરનાં લેવલની ઠંડી હવા ઝડપથી નીચે આવે છે, જેને કારણે શીત લહેરનું પ્રમાણ વધતાં લઘુતમ તાપમાન ખૂબ જ ઝડપથી ઘટે છે, જેને કારણે ડિસેમ્બરથી ફેબ્રુઆરીમાં સૌથી વધુ ઠંડી પડે છે.