સંદેશો / વિંગ કમાન્ડર અભિનંદનનો નવો Video, સાથીઓને આપ્યો આ ખાસ મેસેજ

નવી દિલ્હી: પાકિસ્તાનની સીમામાં ઘૂસીને લડાકૂ વિમાન એફ 16ને તોડી પાડનારા વિંગ કમાન્ડર અભિનંદનનો એક વીડિયો સામે આવ્યો છે. આ વીડિયોમાં અભિનંદન પોતાના સાથી ઓફિસરો સાથે હળવા મૂડમાં જોવા મળ્યા. હોસ્પિટલમાંથી ડિસ્ચાર્જ થયા બાદ પહેલીવાર તેમનો આ વીડિયો સામે આવ્યો છે. આ વીડિયોમાં અભિનંદન સંપૂર્ણપણે તંદુરસ્ત જોવા મળી રહ્યા છે. 

બે મીનિટના આ વીડિયોમાં કમાન્ડર અભિનંદનને એમના સાથીએ ઘેરાયેલા નજરે પડે છે. આ દરમિયાન તેઓએ પોતાના સાથી ઓફિસર્સ સાથે સેલ્ફી પણ લીધી. ત્યારે સેલ્ફી લીધા બાદ અભિનંદન સહિત સાથી ઓફિસરોએ ભારત માતા કી જયના નારા પણ લગાવ્યા. 

વીડિયોમાં અભિનંદને પોતાના સાથી ઓફિસર્સને એક ખાસ મેસેજ પણ આપ્યો અને કહ્યું કે, આ તસવીર તમારા માટે નથી પણ તમારા પરિવાર માટે છે. આ તસવીર તમારા પરિવારને બતાવજો અને કહેજો ઓલ ધ બેસ્ટ. કારણ કે હું તમારા પરિવારને રૂબરૂ મળી શક્યો નથી. મારી તબિયત સુધરે તે માટે દેશવાસીઓએ ઘણી બધી દુઆ કરી છે અને તેમાં તમારૂ પરિવાર પણ સામેલ છે. ત્યારબાદ તાળીો પાડીને એમના સાથે ઑફિસર વિંગ કમાન્ડર અભિનંદનનું સ્વાગત કરે છે. 

First video since he was discharged from hospital, here’s Wing Commander Abhinandan Varthaman taking pictures with men. This is likely sometime last month. Video from some Air Force groups. He looks well! 👊🏽 pic.twitter.com/Os5Pu6aJI1

— Shiv Aroor (@ShivAroor) May 4, 2019

ઉલ્લેખનીય છે કે જ્યારે ભારત પુલવામા હુમલાના જવાબમાં 26 ફેબ્રુઆરીએ પાકિસ્તાનના બાલાકોટમાં એર સ્ટ્રાઇક કરી તો બીજા દિવસે એટલે કે 27 ફેબ્રુઆરીએ પાકિસ્તાને બદલો લેવાનું ષડયંત્ર રચ્યું. પાકિસ્તાનના ફાઇટર પ્લેન જમ્મુ કાશ્મીરમાં ભારતીય સીમામાં ઘૂસવાનો પ્રયત્ન કર્યો, પરંતુ એરફોર્સના અલર્ટ વિમાનોએ પાકિસ્તાનને પાછળ હટાવી દીધું હતું.