નાણામંત્રાલયે એક કોન્ટેસ્ટ શરૂ કર્યો છે. જેમાં ડેવલોપમેન્ટ ફાઈનાન્શિયલ ઈન્સ્ટીટ્યુશનનો એક લોગો, નામ અને ટેગલાઈનની સલાહ આપવાની છે
નાણામંત્રાલયે શરૂ કર્યો કોન્ટેસ્ટ
આ રીતે જીતો 15 લાખ રૂપિયા
જાણો વધુ માહિતી વિશે
કેન્દ્ર સરકાર સમય સમય પર કોઈને કોઈ કોન્ટેસ્ટનું આયોજન કરતી રહે છે. જેમાં વિજેતાને ઘણા ઈનામો પણ આપવામાં આવે છે. આ વખતે નાણા મંત્રાલયે એક કોન્ટેસ્ટની શરૂઆત કરી છે. આ કોન્ટેસ્ટમાં ઉમેદવારોએ ડેવલોપમેન્ટ ફાઈનાન્શિયલ ઈન્સ્ટીટ્યુશન માટે એક લોગો, નામ અને ટેગલાઈનની સલાહ આપવાની છે. જો સરકારની તરફથી તમારા કોઈ પણ નામ, લોગો અથવા ટેગલાઈનને પસંદ કરવામાં આવે છે તો તમને 5-5 લાખ રૂપિયાનું ઈનામ આપવામાં આવશે.
કેટલું મળશે ઈનામ?
આ કોન્ટેસ્ટમાં ત્રણ કેટેગરી છે. જેમાં નામ, ટેગલાઈન અને લોગોનો સમાવેશ થાય છે. આ ત્રણ કેટેગરીમાં ટોપ 3 વિનર્સને ઈનામ આપવામાં આવશે. તેમાં વિનરને 5 લાખ રૂપિયા, બીજા અને ત્રીજા વિનરને 3 લાખ અને 2 લાખ રૂપિયા આપવામાં આવશે. એટલે કે કુલ મળીને 9 વિનર્સની પસંદગી કરવામાં આવશે. જેમાં ત્રણ વિનર્સને 5-5 લાખ રૂપિયા, જ્યારે ત્રણ રનર-અપ્સને 3-3 લાખ રૂપિયા અને ત્રણ રનરઅપ્સને 2-2 લાખ રૂપિયા આપવામાં આવશે.
શું છે ડીએફઆઈ?
નાણામંત્રી નિર્મલા સીતારમણે પોતાના બજેટમાં ડેવલોપમેન્ટ ફાઈનાન્શિયલ ઈન્સ્ટીટ્યુશનની જાહેરાત કરી હતી અને હવે સરકારે તેનું ગઠન કરવાનો નિર્ણય કર્યો છે. ડીએફઆઈ ઈન્ફાસ્ટ્રક્ચર પ્રોજેક્ટ માટે અલગથી ફંડિંગ કરશે અને ટૂંક સમયમાં જ તેમના દ્વારા ઘણા પ્રોજેક્ટને ફંડ આપવામાં આવશે અને નવા પ્રોજેક્ટ ડેવલોપ કરવામાં આવશે. જણાવી દઈએ કે સરકાર આ ઈન્ફ્રાસ્ટ્રક્ચર પ્રોજેક્ટ પર 11 લાખ કરોડ રૂપિયાનું રોકાણ કરવાનું પ્લાન કરી રહી છે.
શું હોવું જોઈએ ખાસ?
તમે ડીએફઆઈ માટે લોગો, નામ અને ટેગલાઈન બનાવીને પોતાના આ કામની ઝલક બતાવી શકો છો. આ ઉપરાંત ત્રણ વસ્તુઓમાં ન્યૂ ઈન્ડિયા પણ દેખાવું જોઈએ. જો તમે આ કોન્ટેસ્ટમાં પોતાની એન્ટ્રી મોકલી રહ્યા છો તો તમારે ધ્યાન રાખવું પડશે કે આ કોઈ જગ્યાએથી કોપી કરેલુ ન હોય અને દરેક નામ ટેગલાઈનનો કોઈ અર્થ હોય.
ક્યાં સુધી મોકલી સકાશે એન્ટ્રી?
આ કોન્ટેસ્ટમાં 15 ઓગસ્ટ 2021 સુધી ઓનલાઈન માધ્યમથી એપ્લાય કરી શકાશે.
કઈ રીતે કરશો એપ્લાય?
જો તમે આ કોન્ટેસ્ટમાં એપ્લાય કરવા માંગો છો તો તમારે સરકારની MyGov વેબસાઈટ પર જઈને રજીસ્ટ્રેશન કરાવીને એપ્લાય કરવાનું રહેશે. આ ઉપરાંત આ લિંક પર ક્સિક કરીને શરતો અને નિયમો વિશે વધારે જાણકારી પ્રાપ્ત કરી શકો છો.