પેન્ટાગોનના સેક્રેટરી જ્હોન કિર્બીએ જણાવ્યું હતું કે, વિશ્વભરમાં સ્થાયી થયેલા અમેરિકન લોકોની સુરક્ષા કરવાનો અમારો અધિકાર છે. અમે તેમની સુરક્ષા માટે કંઈ પણ કરવા તૈયાર છીએ
અમેરિકાએ તાલિબાન સામે ફરી યુદ્ધની કરવાની કરી રહ્યું છે તૈયારીઓ
અમેરિકા તાલિબાન પર ડ્રોનના હુમલા બંધ નહીં કરે
પેન્ટાગોનનો દાવો છે કે, પાકિસ્તાને આશ્રય આપ્યો છે
અમેરિકાને ડ્રોનના હુમલા ચાલુ રાખવાનો અધિકાર છે
અફઘાનિસ્તાનમાં તાલિબાનોના આંતક વિરૂદ્ધ અમેરિકાએ ફરીથી જંગની તૈયારીઓ કરી રહી છે.તેના સંકેતમાં અમેરિકાના સંરક્ષણ વિભાગના મુખ્ય મથક પેન્ટાગોન દ્વારા આપવામાં આવ્યાં છે. એક મિડીયા રિપોર્ટ અનુસાર પેન્ટાગોનના સેક્રેટરી જોન કિર્બીએ જણાવ્યું છે કે, અમેરિકાને અફઘાનિસ્તાનમાં ડ્રોનના હુમલા ચાલુ રાખવાનો અધિકાર છે. તેમણે આગળ કહ્યું કે, અમને આંતક સામે લડવાનો અને આપણા રાષ્ટ્રને સુરક્ષિત કરવાનો અધિકાર છે.
અમેરિકાએ તાલિબાનને ચેતવણી આપી હતી
પેન્ટાગોન દ્વારા આ નિવેદન એવા સમયે જારી કરવામાં આવ્યું છે. જ્યારે તાલિબાને અમેરિકાને ચેતવણી આપી છે. ઉલ્લેખનીય છે કે, કેટલાક યુએસ ડ્રોન અફઘાનિસ્તાન ઉપર ઉડતા જોવા મળ્યા હતા. આ પછી તાલિબાને કહ્યું કે અમેરિકા દોહા કરારનું ઉલ્લંઘન કરી રહ્યું છે. આ અંગે અમેરિકાને ચેતવણી પણ આપવામાં આવી છે. પેન્ટાગોન સેક્રેટરી જોન કિર્બીએ કહ્યું કે, વિશ્વભરના અમેરિકન લોકોની સુરક્ષા કરવાનો અમારો અધિકાર છે અને અમે તેના માટે કંઈ પણ કરી શકીએ છીએ. તેમણે આગળ કહ્યું કે, અમે આ પણ કરવા જઈ રહ્યા છીએ.
પેન્ટાગોનનો દાવો છે કે, પાકિસ્તાને આશ્રય આપ્યો છે
અમેરિકાના રક્ષા વિભાગના મુખ્યાલયે પાકિસ્તાન અંગે ચિંતા વ્યક્ત કરી છે. પેન્ટાગોનનું કહેવું છે કે પાકિસ્તાન સાથેની અફઘાન સરહદ આતંકવાદીઓ માટે સુરક્ષિત આશ્રયસ્થાન છે અને અમેરિકા તેની ચિંતા કરે છે. દરમિયાન, તાલિબાન લડવૈયાઓને આશ્રય આપવા માટે અમેરિકાએ પાકિસ્તાનની ટીકા પણ કરી છે. પેન્ટાગોને દાવો કર્યો છે કે તાલિબાન લડવૈયાઓને પાકિસ્તાનમાં સલામત આશ્રય આપવામાં આવ્યો હતો અને તેમને તબીબી સારવાર પણ આપવામાં આવી હતી.