ફૈઝ અશરફ અલી નામના શખ્સે કેરળથી લંડન સુધી સાયકલથી જવાનું નક્કી કર્યું છે. તેમની યાત્રા લગભગ 30,000 કિમીની છે. જેમાં 35થી વધારે દેશોને કવર કરવામાં આવશે.
કેરળથી લંડન સુધી સાયકલ પર જશે શખ્સ
30,000 કિમીની છે આ યાત્રા
35થી વધારે દેશોને કરવામાં આવશે કવર
આ ભાગદોડમાં લોકો ફિટનેસ માટે સયકલિંગ કરતા હોય છે. પરંતુ સાયકલિંગ માટે એક શખ્સમાં એવી દિવાનગી છે કે તેણે સાયકલ ચલાવીને કેરળથી લંડન જવાનો નિર્ણય કર્યો. તેની યાત્રા લગભગ 30,000 કિમીની છે. જેમાં 35થી વધારે દેશોને કવર કરવામાં આવ્યા છે. આ નિર્ણય અમુક લોકોને પાગલપંતી લાગ્યો. પરંતુ ફૈઝ અશરફ અલી નામના શખ્સને સાયકલિંગથી એટલો પ્રેમ છે. કે તેણે Wiproની જોબ પણ છોડી દીધી.
કેરળથી લંડન સુધીનું સાયકલ અભિયાન
એક રિપોર્ટ અનુસાર અશરફ અલીએ સોમવારે "આઝાદી કા અમૃત મહોત્સવ" સમારોહમાં ભાગ લેતા કેરળની રાજધાનીથી લંડન સુધી પોતાનું સાયકલ અભિયાન શરૂ કર્યું. કેરળના શિક્ષામંત્રી વી શિવનકુટ્ટીએ આ યાત્રાને લીલી ઝંડી બતાવીને રવાના કરી.
450 દિવસનો લાગશે સમય
તેનું આયોજન ઈકો વ્હીલર્સ ટીમ દ્વારા કરવામાં આવ્યું છે. આ યાત્રા પૂર્ણ થવામાં ઓછામાં ઓછા 450 દિવસનો સમય લાગશે. તેનો હેતુ સમગ્ર વિશ્વમાં પ્રેમ અને શાંતિનો સંદેશ ફેલાવવાનો છે. અલી 35 દેશોમાં 30,000 કિમીનું અંતર કાપશે અને લગભગ 450 દિવસમાં લંડન પહોંચશે. પાકિસ્તાન અને ચીને તેમને વિઝા આપ્યા ન હોવાથી આ બંને દેશોને યાદીમાંથી બહાર રાખવામાં આવ્યા છે.
આ દેશોમાં કરશે પ્રવાસ
સાયકલ દ્વારા મુંબઈ પહોંચ્યા પછી, અલી ઓમાનની ફ્લાઈટમાં ચઢશે અને ત્યાંથી તે ફરીથી તેની યાત્રા શરૂ કરશે. તે UAE, સાઉદી અરેબિયા, બહેરીન, કુવૈત, ઈરાક, ઈરાન અને તુર્કી જેવા દેશોનો પ્રવાસ કરશે. તેણે કહ્યું કે તે લંડન પહોંચતા પહેલા બુલ્ગેરિયા, રોમાનિયા, યુક્રેન, ઓસ્ટ્રિયા, ઈટાલી, જર્મની અને ફ્રાન્સ જેવા યુરોપિયન દેશોમાંથી પસાર થશે.
જણાવી દઈએ કે 34 વર્ષીય અલી પહેલા આઈટી કંપની વિપ્રોમાં કામ કરતો હતો. તેણે નોકરી છોડીને સાયકલ ચલાવવાનું નક્કી કર્યું. તેની આ પ્રકારની સોલો ટ્રિપ 2019માં કોઝીકોડથી સિંગાપુરની હતી.