ક્રિકેટ / 42 લાખનો દંડ ભરીને ક્રિકેટમાં વાપસી કરશે આ ક્રિકેટર ? 3 વર્ષનો લાગ્યો હતો પ્રતિબંધ 

• 2020માં લગાવવામાં આવ્યો હતો બૅન 
• પાકિસ્તાની ક્રિકેટર પર લાગ્યો હતો પ્રતિબંધ 
• જુલાઇ મહિનામાં સજાને ઘટાડી દેવામાં આવી હતી 

ઉમર અકમલ ઓક્ટોબર 2019માં છેલ્લી વાર આંતરરાષ્ટ્રીય મૅર રમવા ઉતર્યો હતો. ઉમરને પાકિસ્તાન સુપર લીગમાં સ્પોટ ફિક્સીંગની રિપોર્ટ નહી કરવા માટે ગયા વર્ષે 20 ફેબ્રુઆરીથી પ્રતિબંધ લગાવવામાં આવ્યો હતો. 

પાકિસ્તાન ક્રિકેટ બોર્ડે ઉમર પર ત્રણ વર્ષનો પ્રતિબંધ લગાવ્યો હતો અને ગયા વર્ષે જ જુલાઇમાં ઉમરનો બૅન હટાવીને 18 મહિનાનો કરી દેવામાં આવ્યો હતો. 

પીસીબી એન્ટી કરપ્શન કોડ દ્વારા આપવામાં આવેલી આ સજા પૂરી કર્યા બાદ તે ફરી ક્રિકેટ રમી શકશે પરંતુ તેના માટે તેને ફાઇન ભરવો પડશે. તેણે 42 લાખ 50 હજાર પાકિસ્તાની રૂપિયાનો દંડ ભરવો પડશે. 

પીસીબીએ દરેક ખેલાડીને કહ્યું છે કે તે હંમેશા પોતાના કર્તવ્યનું પાલન કરે અને કોઇ પણ સટોડીયા તેમની સાથે સંપર્ક કરે તો તેની સૂચના તરત જ અધિકારીઓને આપવામાં આવે. ઉમર અકલમે જુલાઇ 2020ના રોજ કહ્યું હતું કે તે પોતાનો પ્રતિબંધ ઓછો કરવા માટે ફરી એકવાર અપીલ કરશે. 

અકમલનું માનવું છે કે ભૂતકાળમાં કેટલાક ક્રિકેટર એવા રહી ચૂક્યા છે કે જેમણે અપરાધ કર્યા છે તેમને કોઇને આટલી કઠોર સજા નથી મળી. ઉમર અકમલે 16 ટેસ્ટ, 121 વન ડે અને 84 ટી-20 મૅચ રમી છે. 

30 વર્ષના ઉમર ફરી એકવાર પાકિસ્તાન માટે રમવાની આશા લગાવીને બેઠો છે. આશા છે કે સમય આવતા તેને ટીમમાં જગ્યા મળી જશે.