ચોથી ટેસ્ટ મેચમાં કેપ્ટન રોહિત શર્મા મેચની પ્લેઈંગ ઈલેવનમાંથી ખરાબ ફોર્મ સાથે સંઘર્ષ કરી રહેલા ખેલાડીઓને બહારનો રસ્તો બતાવી શકે છે.
ટીમ ઈન્ડિયાને મળી હતી કારમી હાર
ભારત અને ઓસ્ટ્રેલિયા વચ્ચે ચોથી ટેસ્ટ 9 માર્ચથી રમાશે
આ ખેલાડીઓને રોહિત શર્મા બતાવી શકે છે બહારનો રસ્તો
ઓસ્ટ્રેલિયાની ટીમે બોર્ડર-ગાવસ્કર ટ્રોફીમાં વાપસી કર્તાની સાથે જ ત્રીજી ટેસ્ટ મેચ 9 વિકેટે જીતી લીધી છે. જણાવી દઈએ કે ત્રીજી ટેસ્ટ મેચમાં ટીમ ઈન્ડિયાના ઘણા સ્ટાર ખેલાડીઓએ ખૂબ જ ખરાબ રમત બતાવી હતી અને આ ખેલાડીઓના ખરાબ ફોર્મની કિંમત ટીમ ઈન્ડિયા એ ત્રીજી ટેસ્ટ મેચ હારીને ચૂકવવી પડી છે. નોંધનીય છે કે ભારત અને ઓસ્ટ્રેલિયા વચ્ચે ચોથી ટેસ્ટ 9 માર્ચથી અમદાવાદના નરેન્દ્ર મોદી સ્ટેડિયમમાં રમાવવા જઈ રહી છે અને આ ચોથી ટેસ્ટ મેચમાં કેપ્ટન રોહિત શર્મા મેચની પ્લેઈંગ ઈલેવનમાંથી ખરાબ ફોર્મ સાથે સંઘર્ષ કરી રહેલા ખેલાડીઓને બહારનો રસ્તો બતાવી શકે છે.
Australia win the Third Test by 9 wickets. #TeamIndia 🇮🇳 will aim to bounce back in the fourth and final #INDvAUS Test at the Narendra Modi Stadium in Ahmedabad 👍🏻👍🏻
આ વિકેટકીપર બેટ્સમેન રહ્યો ફ્લોપ
જણાવી દઈએ કે ભારતીય ટીમના વિકેટ કીપર બેટ્સમેન કેએસ ભરતનું બેટ ઓસ્ટ્રેલિયા સામે હજુ સુશી કોઈ ખાસ કમાલ બતાવી શક્યું નથી અને એ સાથે જ તે મોટી ઇનિંગ્સ રમવામાં નિષ્ફળ રહ્યો છે. કેએસ ભરતે ઓસ્ટ્રેલિયા સામેની ત્રણ ટેસ્ટમાં 8, 6, 23, 17 અને 3 રન બનાવ્યા છે. તેની પાસે ત્રીજી ટેસ્ટમાં મોટી ઇનિંગ્સની અપેક્ષા હતી પણ સારું પ્રદર્શન જોવા મળ્યું નહતું. હાલ ઇન-ફોર્મ વિકેટ કીપર બેટ્સમેન ઇશાન કિશન તેની જગ્યા લેવા માટે તૈયાર બેઠો છે અને કેપ્ટન રોહિત ઈશાનને ચોથી ટેસ્ટની પ્લેઈંગ ઈલેવનમાં તક આપી શકે છે.
આ ખેલાડી પણ ન કરી શક્યો સારું પ્રદર્શન
ઓસ્ટ્રેલિયા સામેની બીજી ટેસ્ટમાં સૂર્યકુમાર યાદવની જગ્યાએ શ્રેયસ અય્યરને તક મળી હતી પણ તે સારું પ્રદર્શન બતાવી શક્યો નથી. તેને ઓસ્ટ્રેલિયા સામે ચાર ઇનિંગ્સમાં 4, 12, 0 અને 26 રન બનાવ્યા છે. સાથે જ હાલ ખરાબ ફોર્મ સાથે સંઘર્ષ કરી રહ્યો છે.
Victory in Indore!
Our Aussie men's Test team is on the board in the Border–Gavaskar Trophy after a terrific nine-wicket win against India 🇦🇺 pic.twitter.com/NUTNRPe1Df
ટીમ ઈન્ડિયાને મળી હતી કારમી હાર
ઈન્દોર ટેસ્ટમાં ભારતીય બેટ્સમેનો ખરાબ રીતે ફ્લોપ રહ્યા હતા. જણાવી દઈએ કે ટીમ ઈન્ડિયા એ પહેલી ઇનિંગમાં 109 રન અને બીજી ઇનિંગમાં 163 રન બનાવ્યા હતા. ભારતે ઓસ્ટ્રેલિયાને જીતવા માટે 76 રનનો ટાર્ગેટ આપ્યો હતો જેને ઓસ્ટ્રેલિયાની ટીમે 1 વિકેટ ગુમાવીને હાંસલ કરી લીધો હતો. ભારત તરફથી ચેતેશ્વર પૂજારાએ મેચમાં સૌથી વધુ 59 રનની ઇનિંગ રમી હતી.