કેવી રીતે રમશે ? / રાષ્ટ્રીય સ્તરે સાત-સાત સ્પર્ધાઓ જીતેલી અમિતા રાઠવા માટે નવી સરકારની જાગશે સંવેદના ?

• ઘોઘંબાની દીકરીને મદદની આશા 
• આર્થિક પરિસ્થિતિ છે ખરાબ 
• આગળ વધવું છે પણ સાધનો નથી 

ટોકિયોમાં ઓલિમ્પિક અને પેરાલિમ્પિક રમતમાં ભારતે જે ઝળહળતી સફળતા મેળવી તે જોઇને પ્રધાનમંત્રી મોદીએ પણ દેશના યુવક-યુવતીઓને પ્રોત્સાહિત કરવા તુરંત જ ફોન કરી વાત કરી હતી અને જયારે વિજેતાઓ અને પ્રતિ સ્પર્ધાના સદસ્યો ને દિલ્હી આમંત્રિત કરી તેઓણે પ્રોત્સાહિત પણ કર્યા હતા.મુખ્યમંત્રી રહેતા નરેન્દ્ર મોદીએ 'ખેલ મહાકૂમ્ભ કર્યો અને રમત-ગમતની અગણિત પ્રતિભાઓને રાજ્ય-રાષ્ટ્રીય કક્ષાએ પોતાની પ્રતિભા ઝળકાવી છે.ત્યારે આજે વાત કરવી છેઅમિતા રાઠવાની.જેણી.પ્રેમિલા બારીયાની જેમ જ  ગુજરાતનું નામ દેશ અને વિશ્વમાં રૌશન કરવાની ઈચ્છા ધરાવે છે..આગામી દિવસોમાં આ દીકરી જમશેદપુરમાં યોજાનાર રમતોત્સવમાં ભાગ પણ લેવા જઈ રહી છે.. ત્યારે કોણ છે આ દીકરી અને કેવી છે તેની તૈયારી 

રાઠવા પરિવારની આર્થિક સ્થિતિ અતિ સાધારણ 

આ સવાલ એટલા માટે થઈ રહ્યો છે કારણ કે, ગુજરાતની એક દીકરી રાષ્ટ્રીય કક્ષાએ વારંવાર જીત મેળવી ચૂકી છે. પરંતુ તે આંતરરાષ્ટ્રીય લેવલ સુધી નથી પહોંચી શક્તી. કારણ કે, તેની પાસે સાધનો અને યોગ્ય માર્ગદર્શક નથી. વાત પંચમહાલના ઘોઘંબાની અમીતા રાઠવાની છે. જેની કમનસીબી એ છે કે, તે 7-7 વખત રાષ્ટ્રીય કક્ષાએ પોતાનું પર્ફોમન્સ આપી ગોલ્ડ, સિલવર અને બોન્ઝ મેડલ જીતી ચૂકી છે. પરંતુ તેની પાસે યોગ્ય સાધનો ન હોવાથી તે આંતરરાષ્ટ્રીય કક્ષાએ ભાગ લેવા માટે યોગ્ય પ્રેક્ટીસ નથી કરી શક્તી. જ્યારે પરિવાર તેની જરૂરિયાતો સંતોષવા માટે અસમર્થ છે..

આંતરરાષ્ટ્રીય કક્ષાએ ગુજરાતનું નામ કર્યું છે રોશન

ઘોઘંબાની જ પ્રેમીલા બારીયાએ આંતરરાષ્ટ્રીય કક્ષાએ ગુજરાતનું નામ રોશન કર્યું   હતું. અને તેની જેમ અમીતા પણ ગુજરાત અને દેશનું નામ આંતરરાષ્ટ્રીય કક્ષાએ રોશન કરવા માગે છે.. પરંતુ તેના માતા-પિતા એક ગરીબ આદિવાસી છે.અને તેઓ પોતાની દીકરી માટે યોગ્ય સાધનો ખરીદી શકે તેવી તેમની આર્થિક સદ્ધરતા નથી.તેવામાં અમીતા શ્રીજી આશ્રમ શાળામાં અભ્યાસની સાથે-સાથે પ્રેક્ટિસ કરી આગળ વધવાના પ્રયાસો કરી રહી છે.. જોકે તેને કોઈ દાતા કે, સરકાર તરફથી સાધનો ખરીદવા માટે યોગ્ય સહાય મળે તો તે ગુજરાતનું નામ આંતરરાષ્ટ્રીય લેવલે પણ રોશન કરી શકે છે.. 

ગુજરાત માટે ગોલ્ડ જીતવાની આશા 

મહત્વનું છે કે, અમીતા આગામી 1 ઓક્ટોબરે ઝારખંડના જમશેદપુરમાં યોજાનાર રાષ્ટ્રીયકક્ષાના રમતોત્સવમાં ભાગ લેવા જઈ રહી છે.. અને તેને વિશ્વાસ છે કે, તે ફરી એકવાર ગુજરાત માટે ગોલ્ડ જીતી શકે છે. ત્યારે આશા રાખીએ કે, રમત-ગમતને પ્રોત્સહન આપતી આપણી સરકાર ગુજરાતની અમીતાને પણ અસ્મિતા  વધારવા માટે પ્રોત્સાહિત કરે અને તેને યોગ્ય સાધનો મળે તેવી કોઈ મદદ કરે..