વડોદરામાં ચકચાર મચાવનાર હરિયાણવી યુવતી પર દુષ્કર્મ રાજુ ભટ્ટ અને અશોક જૈન ફરાર છતાં ત્રીજા એક અજાણ્યા શખ્સ સાથેની ઓડિયો કલીપ વાયરલ.કેસની પતાવટ માટે હવાતિયા
વડોદારામાં હરિયાણવી યુવતી પર દુષ્કર્મ
પોલીસ હજુ પણ આરોપીઓની શોધમાં છે
ઓડિયો કલીપ વાયરલ થાય છે,આરોપી મળતા નથી
વડોદરામાં ચકચાર મચાવનાર હરિયાણવી યુવતી પર માર મારી દુષ્કર્મ આચરી સોશિયલ મીડિયામાં ફોટા/વિડીયો વાયરલ કરવાની ધમકી આપ્યાં બાદ રાજુ ભટ્ટ અને અશોક જૈન ફરાર છે .આ વચ્ચે કોઈ અજાણ્યો શખ્સ અશોક અને રાજુ સાથે ટેલોફોનિક વાત કરી રહ્યો છે. બે દિવસ પૂર્વે એ સંદિગ્ધ શખ્સે અશોક જૈન સાથે વાત કરી હતી.અને કોઈ મયંકનો ઉલ્લેખ પણ કર્યો હતો. હવે બીજો આરોપી અને પાવાગઢ મદિર ટ્રસ્ટનો પૂર્વ સેક્રેટરી રાજુ ભટ્ટ, મયંક સાથે વાત કરતો હોવાની ઓડિયો કલીપ વાયરલ થઇ છે.
પ્રકરણ ભીનું સંકેલી શકે તેવો 'મિડલ મેન' કોણ ?
દુષ્કર્મ કેસમાં મયંક નામના શખસ પાસે આરોપી રાજુ ભટ્ટ મામલો પતાવવા માટે આજીજી કરી રહ્યો છે. જ્યારે મયંક ત્રીજા શખ્સનો ઉલ્લેખ કરે છે. આ વ્યક્તિ બરાબર નથી તેવું પણ કહે છે. આ ત્રીજો કોણ છે ? અને સમગ્ર દુષ્કર્મ પ્રકરણમાં તેની શી ભૂમિકા છે ? મયંક અને આ ત્રીજો કેવી રીતે સંકળાયેલા છે . તે પણ રહસ્ય ઘેરું બનતું જાય છે. ટેલીફોનીક વાતચીતમાં રાજુ કહે છે કે, હું એ વ્યક્તિને ઓળખતો નથી, મને નામ સુદ્ધા ખબર નથી. મતલબ એ છે કે આ ત્રીજો શખ્સ, આખા કેસની સીલસીલાબંધ વિગત જાણે છે.અને કેસમાં ભીનું પણ સંકેલી શકે તેવી મહારત હોવાનું ઓડિયો કલીપ પરથી ફલિત થાય છે.
ક્યાં છે રાજુ ભટ્ટ -અશોક જૈન
વડોદરાના ચકચારી દુષ્કર્મ કેસમાં હજુ પણ આરોપી પોલીસ પકડથી દૂર છે ત્યારે, CA અશોક જૈન અંગે મોટા ખુલાસાઓ સામે આવી રહ્યા છે.ગોત્રી વિસ્તારના નિસર્ગ ફ્લેટ નંબર-903માં કેટલાય મોટા માથાઓની અવર-જવર રહેતી હતી.દરમિયાન આ જ ફ્લેટનો હનીટ્રેપમાં ઉપયોગ થયાની વાત પણ બહાર આવી રહી છે.પાવાગઢ મંદિરનો પૂર્વ સેક્રેટરી રાજુ ભટ્ટ એન અશોક જૈન હજુ પણ પોલીસ પકડથી બહાર હોવાના કારણે ક્રાઈમ બ્રાન્ચની તપાસની સોય કઈ ધરીં પર અટકી ગઈ છે.તે ચર્ચાનો વિષય બન્યો છે.
બુલેગર પણ નથી મળતો ?
વડોદરાના નિસર્ગ ફ્લેટમાં ગુપ્ત કેમેરાઓથી અશોક જૈનએ કેટલાય વિડીયો બનાવ્યા હોવાની આશંકા પ્રવર્તે છે.અશોક જૈનને ઝડપી લેવા પોલીસે ચક્રો ગતિમાન કર્યા છે અને 7 જેટલી ટીમ બનાવ્યા પછી પણ પોલીસના હાથે અશોક જૈનના કોઈ સુરાગ નથી. ક્રાઈમ બ્રાંચે રાજસ્થાન અને મધ્યપ્રદેશ સુધી ટીમ દોડાવી છે. બીજી તરફ રાજુ ભટ્ટ અંગે પણ કોઈ સગડ પ્રાપ્ત નથી થયા.શનિવારે લગભગ 22 થી 25 જણાની માત્ર પૂછ પરછ થઇ છે પણ નક્કર કોઈ કડી પોલીસને હાથ આવી હોય તેમ અત્યારે લાગતું નથી. રાજૂ ભટ્ટ અને અલ્પુ સિંધીને પણ પોલીસ શોધી રહી છે. અલ્પુ સિંધી બૂટલેગર છે અને પોલીસ જાણતી ના હોય તેવું બને પણ નહિ.આમ છતાં અલ્પુ સિંધીને શોધવો પડી રહ્યો હોય તો એથી વિશેષ નવાઈની વાત કોઈ હોય પણ ના શકે.