તિહાર જેલમાંથી સત્યેન્દ્ર જૈનના ચાર વીડિયો સામે આવ્યા, જોકે આટલા બધા વિડીયો સામે આવતા એ પ્રશ્ન જરૂર ઊભો થાય છે કે, સત્યેન્દ્ર જૈન પર આખી ફિલ્મ બનશે કે શું ?
AAP સરકારના મંત્રી સત્યેન્દ્ર જૈનનો વધુ એક વીડિયો સામે આવ્યો
સત્યેન્દ્ર જૈનના સેલની સફાઈ કરવામાં આવતી હોય તેવો વિડીયો
અગાઉ પણ તિહાડ જેલમાં બંધ મંત્રી સત્યેન્દ્ર જૈનના ત્રણ વિડીયો આવ્યા છે સામે
દિલ્હીની તિહાડ જેલમાં બંધ આમ આદમી પાર્ટી સરકારના મંત્રી સત્યેન્દ્ર જૈનનો વધુ એક વીડિયો સામે આવ્યો છે. આ વીડિયોમાં જોઈ શકાય છે કે, સત્યેન્દ્ર જૈનના સેલની સફાઈ કરવામાં આવી રહી છે. બાદમાં તે તેના સેલમાં લોકો સાથે વાત કરતા પણ જોઈ શકાય છે. આ પહેલા શનિવારે સત્યેન્દ્ર જૈનનો ત્રીજો વીડિયો સામે આવ્યો હતો. જેમાં તે તિહાર જેલના સસ્પેન્ડેડ સુપરિન્ટેન્ડેન્ટ અજીત કુમાર સાથે વાત કરતાં જોવા મળ્યા હતા. આ રીતે તિહાર જેલમાંથી સત્યેન્દ્ર જૈનના ચાર વીડિયો સામે આવ્યા છે. જોકે આટલા બધા વિડીયો સામે આવતા એ પ્રશ્ન જરૂર ઊભો થાય છે કે, સત્યેન્દ્ર જૈન પર આખી ફિલ્મ બનશે કે શું ?
#WATCH | CCTV video emerges of housekeeping services going on in the cell of jailed Delhi minister and AAP leader Satyendar Jain. Later, he can also be seen interacting with people in his cell. pic.twitter.com/tw17pF5CTQ
આપ સરકારના મંત્રી સત્યેન્દ્ર જૈનના આ વીડિયોને લઈને વિરોધ પક્ષો આમ આદમી પાર્ટી પર પ્રહારો કરી રહ્યા છે. આ પહેલા પણ તિહારના સત્યેન્દ્ર જૈનના ત્રણ વીડિયો સામે આવ્યા છે. પહેલા વીડિયોમાં તે મસાજ કરતો જોવા મળ્યા હતા. બીજા વીડિયોમાં તે ડ્રાય ફ્રુટ્સ ખાતા જોવા મળ્યા હતા. અને શનિવારે આવેલા ત્રીજા વીડિયોમાં તે સસ્પેન્ડેડ જેલ સુપરિન્ટેન્ડેન્ટ અજીત કુમાર સાથે વાત કરતો જોવા મળ્યા હતા.
BJPના નેતાએ જાહેર કર્યો હતો વીડિયો
તિહારના સત્યેન્દ્ર જૈનના આ વીડિયોને લઈને રાજકીય ગરમાવો જોવા મળી રહ્યો છે. શનિવારે દિલ્હી બીજેપી મીડિયા યુનિટના વડા હરીશ ખુરાનાએ સત્યેન્દ્ર જૈનનો ત્રીજો વીડિયો જાહેર કર્યો હતો. સીસીટીવી કેમેરાના ફૂટેજ શેર કરતા હરીશ ખુરાનાએ ટ્વીટ કર્યું હતું કે, “પ્રમાણિક મંત્રી જૈનનો આ નવો વીડિયો જુઓ. રાત્રે 8 કલાકે જેલ મંત્રીની કોર્ટમાં જેલ અધિક્ષકની હાજરી.
#WATCH | More CCTV visuals of jailed Delhi Minister and AAP leader Satyendar Jain in Tihar jail come out: Sources pic.twitter.com/4c6YdJ2bAL
નોંધનીય છે કે, આ મહિનાની શરૂઆતમાં તિહાડ જેલના સુપરિન્ટેન્ડેન્ટ અજીત કુમારને સત્યેન્દ્ર જૈનને વિશેષ સારવાર આપવામાં તેમની કથિત સંડોવણી બદલ સસ્પેન્ડ કરવામાં આવ્યા હતા. સત્યેન્દ્ર જૈન એન્ફોર્સમેન્ટ ડિરેક્ટોરેટ (ED) દ્વારા નોંધાયેલા મની લોન્ડરિંગ કેસમાં 31 મેથી જેલમાં છે.
સૂત્રોના જણાવ્યા અનુસાર સસ્પેન્ડ કરાયેલા અધિકારી અજીત કુમાર જેલ પરિસરમાં જેલ નંબર-7ના સુપ્રિટેન્ડેન્ટ હતા. અગાઉના કથિત વિડિયોમાં સત્યેન્દ્ર જૈન તેમના રૂમમાં પાછળ અને પગની મસાજ કરાવતા, કેટલાક દસ્તાવેજો વાંચતા અને પલંગ પર સૂતી વખતે મુલાકાતીઓ સાથે વાત કરતા જોવા મળ્યા હતા. પાણીની બોટલ (મિનરલ વોટર) અને રિમોટ પણ રાખવામાં આવ્યા હતા. એક વીડિયોમાં તે ખુરશી પર બેસીને હેડ મસાજ કરાવતા પણ જોવા મળ્યા હતા.