એક્સપર્ટ કોરોનાના ડેલ્ટા વેરિઅન્ટને લઈને ચિંતામાં છે. તેમને લાગે છે કે આ બાળકો માટે વધારે ખતરનાક હોઈ શકે છે અને લાંબા સમય સુધી તેની અસર જોવા મળી શકે છે.
કોરોનાને લઈને વધુ એક ચિંતા
એક્સપર્ટ્સે આપ્યું બાળકોને લઈને ખાસ નિવેદન
કોરોના બાળકો માટે વધારે ખતરનાક હોઈ શકે છે
બાળકોમાં કોરોનાની અસર લાંબા સમય સુધી રહી શકે છે
કોરોના સાથેના અનેક સવાલો એવા છે જેનો જવાબ મળ્યો નથી. એવામાં મોટો પ્રશ્ન એ છે કે શું કોરોનાની અસર બાળકોમાં લાંબા સમય સુધી જોવા મળી શકે છે? એક્સપર્ટનુ માનવું છે કે કોરોનાની ત્રીજી લહેર આવશે તો તે બાળકો માટે ખતરનાક હોઈ શકે છે. આ સાથે પેરન્ટ્સની ચિંતામાં પણ વધારો થયો છે.
બાળકોમાં કોરોનાની અસર લાંબા સમય સુધી રહી શકે છેઃ સ્ટડી
કેટલાક સ્ટડીથી ખ્યાલ આવી રહ્યો છે કે કોરોના વાયરસથી સંક્રમિત બાળકો પર લાંબા સમય સુધી કોરોનાની અસર રહી શકે છે. બાળકોમાં પુખ્ત વયની વ્યક્તિ કરતાં તેના લક્ષણોથી પ્રભાવિત થવાની શક્યતા ઓછી રહે છે જે સંક્રમણના એક મહિના કે તેનાથી પણ વદારે સમય સુધી રહે છે. બાળકોમાં લાંબા સમય સુધી કોરોના વાયરસના રૂપમાં જાણીતા લક્ષણો ખાસ કરીને અનેક વાર જોવા મળે છે તેને લઈને અલગ અલગ અનુમાન છે.
સ્ટડીમાં થયો ખુલાસો
હાલમાં કરાયેલા એક સ્ટડીમાં જાણવા મળ્યું છે કે લગભગ 4 ટકા બાળકો અને કિશોરોમાં સંક્રમિત હોવાની સાથે એક મહિનાથી વધારે સમય સુધી કોરોનાના લક્ષણો જોવા મળ્યા છે. આ લક્ષણોમાં થાક લાગવો, માથુ દુઃખવું અને સૂંઘવાની ક્ષમતા જતી રહે તે શક્ય છે. મોટાભાગના લક્ષણો 2 મહિના બાદ ખતમ થઈ જાય છે. ખાંસી, છાતીમાં દુઃખાવો અને બ્રેન ફોગ લાંબા સમયના લક્ષણો છે જે ક્યારેક બાળકોમાં જોવા મળે છે. સામાન્ય સંક્રમણ કે કોઈ પ્રારંભિક લક્ષણો ન હોવા છતાં પણ તે થઈ શકે છે.
લોન્ગ કોવિડની પણ થઈ રહી છે ચર્ચા
કેટલાક સ્ટડીમાં બ્રિટનના અધ્યયનની તુલનામાં જાણવા મળ્યું કે કોરોનાના લક્ષણ હોવાની શક્યતા વધારે જોવા મળે છે. પણ બાળકોમાં એડલ્ટની તુલનામાં લક્ષણો ઓછા પ્રભાવિત માનવામાં આવે છે. કેટલાક અનુમાનના અનુસાર લગભગ 30 ટકા એડલ્ટમાં કોરોનાના લાંબા સમયથી લક્ષણો વિકસિત થયા છે. એક્સપર્ટ આ કેસમાં કોઈ ખાસ પરિણામ મેળવી શક્યા નથી કે જેના આધારે કહી શકાય કે લાંબા સમય સુધી લક્ષણો રહેવાનું કારણ શું હોઈશકે છે. આ શરૂઆતના સંક્રમણના કારણે અંગોને થતા નુકસાનને જોઈ શકાય છે કે આ શરીરમાં રહેતા વાયરસ અને સોજાનું પરિણામ હોઈ શકે છે. લોન્ગ કોવિડના કારણે અનેક લોકોને મુશ્કેલી આવી હોવાના કારણે તેની પણ ચર્ચા લાંબા સમયથી ચાલી રહી છે.
ડેલ્ટા વેરિઅન્ટનો ખતરો
કોરોના વાયરસના સંક્રામક રૂપ ડેલ્ટા વેરિઅન્ટના ઝડપથી ફેલાવવાના કારણે ડોક્ટર્સ પણ ચિંતામાં છે. તેમનું માનવું છે કે ડેલ્ટા વેરિઅન્ટ બાળકોને વધારે પ્રભાવિત કરી શકે છે. તેનાથી બાળકોમાં અલગ લક્ષણો જોવા મળી શકે છે. કોરોનાની ઝપેટમાં આવનારા બાળકોને જોતા અમેરિકી એકેડમી ઓફ પીડિયાટ્રિક્સે રિકવર થયેલા બાળકોને સતત ડોક્ટર્સની સલાહ લેવાની અપીલ કરી છે જેથી લોન્ગ કોવિડના ખતરાને ટાળી શકાય.