ચેન્નઈ સુપર કિંગ્સ તરફથી રિલીઝ કરાયા બાદ સુરેશ રૈનાને આઇપીએલની મેગા ઓક્શનમાં કોઈ ખરીદ્યો નહોતો, પરંતુ હવે સોશિયલ મીડિયા પર રૈનાની એક તસવીર વાઇરલ થઈ રહી છે.
હવે સોશિયલ મીડિયામાં રૈનાની એક તસ્વીર વાયરલ
સુરેશ રૈનાને ગુજરાત ટાઈટન્સમાં મળી શકે સ્થાન
રૈનાની એન્ટ્રીની અટકળો લાગવા પાછળનું છે આ કારણ
સુરેશ રૈનાની IPLમાં થશે વાપસી
જેમાં તે આઇપીએલની આગામી સિઝનથી ડેબ્યૂ કરવા જઈ રહેલી ટીમ ગુજરાત ટાઇટન્સના નામની જર્સીમાં નજરે પડી રહ્યો છે. આ તસવીર વાઇરલ થયા બાદ એવું કહેવામાં આવી રહ્યું છે કે સુરેશ રૈનાની આઇપીએલમાં વાપસી થવાની છે અને તેને ગુજરાત ટાઇટન્સમાં સ્થાન મળી શકે છે. ગુજરાત ટાઇટન્સમાં રૈનાની એન્ટ્રીની અટકળો લાગવા પાછળનું કારણ ઇંગ્લિશ ઓપનિંગ બેટર જેસન રોય છે. જેસન રોયે આઇપીએલની આગામી સિઝનમાંથી પોતાનું નામ પાછું ખેંચી લીધું છે. હવે રોયના સ્થાને રૈનાની ટીમમાં એન્ટ્રી અંગે ચાહકોની આશા વધી છે અને ચાહકોએ રૈનાની તસવીરને ટાઇટન્સના નામવાળી જર્સી સાથે એડિટ કરીને સોશિયલ મીડિયા પર શેર કરી દીધી છે.
CONFIRMED
IT'S OFFICIAL
Gujarat titans
Get SURESH RAINA AS REPLACEMENT OF JASON ROY #SureshRaina𓃵#GujaratTitans
— Kanhaiya Lal Saran (@Kanhaiy66444561) March 2, 2022
રૈના IPLમાં ગુજરાત ફ્રેન્ચાઈઝીની કેપ્ટનશિપ સંભાળી ચૂક્યો છે
જેસન રોયના રિપ્લેસમેન્ટ તરીકે રૈનાના નામથી જ ચર્ચા થવા પાછળ એક મહત્ત્વનું કારણ એ છે કે રૈના આઇપીએલમાં ગુજરાત ફ્રેંચાઇઝીની કેપ્ટનશિપ સંભાળી ચૂક્યો છે. સ્પોટ ફિક્સિંગને કારણે જ્યારે રાજસ્થાન રોયલ્સ અને ચેન્નઈ સુપર કિંગ્સ પર બે વર્ષ માટે પ્રતિબંધ લગાવવામાં આવ્યો હતો ત્યારે બે વર્ષ માટે ગુજરાત લાયન્સની આઇપીએલમાં એન્ટ્રી થઈ હતી. રૈનાએ લાયન્સની કેપ્ટનશિપ સંભાળી હતી. એ જ કારણથી જેસન રોયે નામ પાછું ખેંચ્યા બાદ રૈનાના નામ પર ચાહકો ચર્ચા કરવા લાગ્યા છે. ગુજરાત ટાઇટન્સની ટીમ હાર્દિક પંડ્યાના નેતૃત્વમાં આઇપીએલમાં ઊતરવાની છે. ટીમમાં રાશિદ ખાન, મોહંમદ શામી, શુભમન ગિલ જેવા ખેલાડી સામેલ છે.