આંખના કણા / શું હવે પુતિન લેશે બીજાનો વારો? 31 દેશોને શત્રુ જાહેર કર્યાં, જાણો કયા કયા સામેલ

• યુદ્ધની વચ્ચે રશિયાએ દુશ્મન દેશોની યાદી બહાર પાડી
• રશિયા 31 દેશોને શત્રુ માને છે
• અમેરિકા, યુક્રેન સહિત 31 દેશો સામેલ

યુક્રેન સામે યુદ્ધ લડી રહેલા રશિયાએ હવે તેના દુશ્મન દેશોની યાદી બહાર પાડી છે. રશિયા દુનિયાના 31 દેશોને શત્રુ માને છે જેમાં સુપરપાવર અમેરિકા પણ સામેલ છે. 

#BREAKING #Russia has approved the list of unfriendly countries, including the U.S., EU members, UK, Ukraine, and Japan.

— CGTN (@CGTNOfficial) March 7, 2022

ચીની મીડિયા સીજીટીએનનો દાવો

ચીની મીડિયા સીજીટીએનનો દાવો છે કે રશિયાએ તેના દુશ્મન દેશોની લિસ્ટને મંજૂરી આપી છે. આ લિસ્ટમાં યુક્રેનની ઉપરાંત, અમેરિકા, બ્રિટન, જાપાન અને યુરોપિયન યુનિયનના સભ્ય દેશો સામેલ છે.ઉલ્લેખનીય છે કે યુરોપિયન યુનિયનના 27 દેશ છે. 

ઇન્ટરનેશનલ કોર્ટ ઓફ જસ્ટિસે રશિયા સામેની સુનાવણી ફગાવી
સંયુક્ત રાષ્ટ્રની ટોચની અદાલતે રશિયા સામેની સુનાવણીને ફગાવી દીધી છે. યુક્રેને રશિયા સામે ઈન્ટરનેશનલ કોર્ટમાં અરજી કરી છે. હેગમાં આ કેસની સુનાવણી ચાલી રહી હતી. યુક્રેને કહ્યું છે કે રશિયાએ તેના દેશમાં સૈન્ય કાર્યવાહી તાત્કાલિક બંધ કરવી જોઈએ.

પીએમ મોદીએ પુતિનને ઝેલેન્સ્કી સાથે સીધી વાતચીત કરવાની કરી અપીલ 
વડાપ્રધાન મોદીએ રશિયાના રાષ્ટ્રપતિ પુતિનને યુક્રેનના રાષ્ટ્રપતિ ઝેલેન્સ્કી સાથે સીધી વાતચીત કરવા વિનંતી કરી છે. પુતિને સુમીમાં ફસાયેલા ભારતીયો સહિત તમામ ભારતીય નાગરિકોને સુરક્ષિત બહાર કાઢવા માટે સહયોગની ખાતરી આપી છે.