સંભાવના / શું પુતિન G20 બેઠકમાં ભાગ લેવા ભારત આવશે? PM Modiના કારણે રણનીતિમાં કરી શકે છે ફેરફાર

• શું પુતિન ભારતમાં આયોજિત G-20માં ભાગ લેશે?
• પુતિન સતત બે વર્ષથી G-20 સમિટમાં ભાગ નથી લીધો 
• રશિયા G-20 માળખામાં સંપૂર્ણ રીતે ભાગ લેવાનું ચાલુ રાખે છે - ક્રેમલિન પ્રવક્તા

રશિયાના રાષ્ટ્રપતિ વ્લાદિમીર પુતિન આ વર્ષે ભારતની મુલાકાત લઈ શકે છે, આ વાત ઘણા સમયથી ચાલી રહી છે એવામાં રાષ્ટ્રપતિ ભવન ક્રેમલિને સોમવારે જણાવ્યું હતું કે રશિયન રાષ્ટ્રપતિ પુતિન 9-10 સપ્ટેમ્બરે નવી દિલ્હીમાં યોજાનારી G-20 સમિટમાં ભાગ લેવા માટે ના નથી કહી રહ્યું. જણાવી દઈએ કે પુતિન સતત બે વર્ષથી G-20 સમિટમાં ભાગ નથી લઈ રહ્યો પણ હાલ સમાચાર એવા હતા કે  તેઓ ભારતમાં આયોજિત સમિટમાં ભાગ લઈ શકશે.

જણાવી દઈએ કે ક્રેમલિનના પ્રવક્તા દિમિત્રી પેસ્કોવને પૂછવામાં આવ્યું હતું કે શું પુતિન ભારતમાં આયોજિત G-20માં ભાગ લેશે? તો જવાબમાં એમને કહ્યું હતું કે  'આ વાતને નકારી શકાય નહીં, રશિયા G-20 માળખામાં સંપૂર્ણ રીતે ભાગ લેવાનું ચાલુ રાખે છે અને રશિયા આગળ પણ આ જ ઇરાદો ધરાવે છે પણ હાલ કોઈ નિર્ણય લેવાયો નથી.'

ઇસ્ટરન ઇકોનામી ફોરમની તારીખો પણ બદલવાનો ઈશારો 
દર વર્ષે રશિયાના વ્લાદિવોસ્તોકમાં યોજાતા ઈસ્ટર્ન ઈકોનોમિક ફોરમની તારીખને પણ આગળ વધારી દેવામાં આવી છે અને આ દ્વારા એવા સંકેત મળી રહ્યા છે પુતિન G-20માં ભાગ લઈ શકે છે. એક અહેવાલ મુજબ પુતિનના સલાહકાર અને EEF આયોજક સમિતિના એક્ઝિક્યુટિવ સેક્રેટરી એન્ટોન કોબ્યાકોવે EEF તારીખોમાં ફેરફારની પુષ્ટિ કરતું નિવેદન બહાર પાડ્યું હતું જેમાં એમના કહ્યું હતું કે EEFના વરિષ્ઠ અધિકારીઓની બેઠક 12-15 સપ્ટેમ્બરની વચ્ચે યોજાશે. નોંધનીય છે કે આર્થિક મંચની તારીખોમાં ફેરફાર થવાથી ભારત અને ચીનના વરિષ્ઠ અધિકારીઓ પણ ફોરમમાં ભાગ લે એ શક્યતાઓ વધી ગઈ છે. 

છેલ્લી બે G-20 બેઠકોમાંથી ગાયબ હતા પુતિન 
જણાવી દઈએ કે 24 ફેબ્રુઆરીએ યુક્રેન પર રશિયાના આક્રમણ પછી ગયા વર્ષની સમિટ G-20 નેતાઓની પહેલી બેઠક હતી. એ સમયે પુતિને ઇન્ડોનેશિયાના બાલીમાં આયોજિત સમિટમાં ભાગ લીધો ન હતો કારણ કે આ કોન્ફરન્સમાં યુક્રેન પર રશિયન આક્રમણ સૌથી મોટો મુદ્દો હતો. નોંધનીય છે કે બેઠક બાદ જારી કરવામાં આવેલા સંયુક્ત નિવેદનમાં કહેવામાં આવ્યું હતું કે મોટાભાગના દેશોએ યુક્રેન પર રશિયન હુમલાની આકરી ટીકા કરી હતી અને બેઠકમાં અમેરિકા, બ્રિટન, ફ્રાન્સ વગેરે જેવા પશ્ચિમી દેશોએ રશિયાની આકરી નિંદા કરી હતી.

મહત્વનું છે કે વર્ષ 2021માં પણ પુતિન રોમમાં આયોજિત G-20 સંમેલનમાં ભાગ લીધો ન હતો પણ કોવિડને ધ્યાનમાં રાખીને તેઓ કોન્ફરન્સમાં વીડિયો લિંક દ્વારા જોડાયા હતા.