પશ્ચિમ બંગાળમાં ચૂંટણીની તારીખોની જાહેરાત બાદ આજે પીએમ મોદીની પહેલી રેલી છે જેમાં અભિનેતા મિથુન પણ સામેલ થશે.
બંગાળમાં પીએમ મોદીની મહાસભા
કોલકાતા બ્રિગેડ ગ્રાઉન્ડમાં પીએમ મોદી ભરશે હુંકાર
મિથુન ચક્રવર્તી મુદ્દે મોટું એલાન કરી શકે છે ભાજપ
મિથુન બનશે ભાજપના 'હીરો'?
હિન્દી અને બાંગ્લા ફિલ્મોના પ્રખ્યાત એક્ટર મિથુન ચક્રવર્તી ભારતીય જનતા પાર્ટીમાં સામેલ થઈ શકે છે. આજે કોલકાતામાં પીએમ મોદી બ્રિગેડ મેદાનમાં મહારેલી કરવા જઈ રહ્યા છે અને આ રેલીમાં મિથુન પણ હાજર રહેશે. માનવામાં આવી રહ્યું છે કે પીએમ મોદીની હાજરીમાં તેઓ ભારતીય જનતા પાર્ટીમાં સામેલ થઈ શકે છે. શનિવારે મોડી રાત્રે બંગાળમાં ભાજપના પ્રભારી કૈલાશ વિજયવર્ગીય અને મિથુન દા વચ્ચે મુલાકાત થઈ હતી.
શું કહ્યું પ્રદેશ અધ્યક્ષે?
પશ્ચિમ બંગાળમાં રાજકારણ જબરદસ્ત ગરમાયું છે અને ભાજપની આજની રેલીમાં મોટું એલાન કરવામાં આવશે તેવી ચર્ચાએ જોર પકડયું છે ત્યારે ભાજપના પ્રદેશ અધ્યક્ષ દિલીપ અધ્યક્ષને જ્યારે પૂછવામાં આવ્યું કે શું મિથુન ભાજપના CM પદના ઉમેદવાર હશે? તો તેના પર દિલીપ ઘોષે કહ્યું કે પહેલા તેમને ભારતીય જનતા પાર્ટી જોઇન કરવા દો. માંને અત્યારે આ મુદ્દે કોઈ આઇડિયા નથી. અમે સાંભળ્યું છે કે તેઓ પીએમ મોદીને મળવા માંગે છે અને તે સિવાય મારા પાસે કોઈ જાણકારી નથી.
બ્રિગેડ ગ્રાઉન્ડમાં ગરજશે પીએમ મોદી
નોંધનીય છે કે ચૂંટણીની તારીખો જાહેર થયા બાદ પીએમ મોદી આજે કોલકાતામાં પહેલી રેલી કરવા જઈ રહ્યા છે અને તે માટે બ્રિગેડ ગ્રાઉન્ડમાં જોરદાર તૈયારીઓ કરવામાં આવી છે. વધુમાં વધુ ભીડ ભેગી થાય તે માટે ભાજપના કાર્યકરોએ કમર કસી લીધી છે ત્યારે આજે મિથુન ચક્રવર્તી પીએમ મોદી સાથે મંચ પર ઉપસ્થિત રહેશે અને તેઓ ભાષણ પણ આપશે.