સર્વેમાં લોકોને પૂછવામાં આવ્યું હતું કે, દલિત અને મુસ્લિમ મતદારોએ કયા પક્ષનું સમર્થન કર્યું છે ? જે સર્વેમાં બહાર આવી ચોંકાવનારી વિગતો
ગુજરાતમાં ભાજપ સતત સાતમી વખત સરકાર બનાવે તેવી સંભાવના
તમામ એક્ઝિટ પોલમાં ભાજપને રાજ્યમાં મોટી જીત મળી રહી છે
એક્ઝિટ પોલમાં ભાજપને ગુજરાતમાં સૌથી વધુ 151 બેઠકો મળી રહી છે
ગુજરાતમાં ભાજપ સતત સાતમી વખત સરકાર બનાવે તેવી સંભાવના છે. મતદાન પૂર્ણ થયા બાદ તમામ એક્ઝિટ પોલમાં ભાજપને રાજ્યમાં મોટી જીત મળી રહી હોવાનું સામે આવ્યું છે. એક્ઝિટ પોલમાં ભાજપને ગુજરાતમાં સૌથી વધુ 151 બેઠકો મળી રહી છે. જો આમ થાય તો પાર્ટી રાજ્યમાં કોંગ્રેસની સૌથી જૂની બેઠકો જીતવાનો રેકોર્ડ પણ તોડી નાંખશે. એક્ઝિટ પોલમાં સીટોની સંખ્યા અને વોટની ટકાવારી સિવાય ઘણા આંકડા સામે આવ્યા છે. સર્વેમાં મતદારોને પણ અનેક સવાલો પૂછવામાં આવ્યા હતા.
એબીપી ન્યૂઝ-સી વોટરના સર્વેમાં લોકોને પૂછવામાં આવ્યું હતું કે, દલિત અને મુસ્લિમ મતદારોએ કયા પક્ષનું સમર્થન કર્યું છે ? જ્યારે દલિત મતદારોને તેમનો અભિપ્રાય પૂછવામાં આવ્યો ત્યારે જાણવા મળ્યું કે, ભાજપને દલિત મતદારોના 48 ટકા મત મળ્યા છે. જ્યારે કોંગ્રેસને 38 ટકા મત મળ્યા છે. 11 ટકા દલિત મતદારોએ આમ આદમી પાર્ટીને મત આપ્યો છે તો અન્યને 3 ટકા દલિત મત મળવાનો અંદાજ છે.
એક્ઝિટ પોલ મુજબ 25 ટકા મુસ્લિમોએ ભાજપને મત આપ્યો હતો. જ્યારે કોંગ્રેસને 45 ટકા મુસ્લિમ મતદારોનું સમર્થન મળ્યું હતું. આમ આદમી પાર્ટી પાસે 27 ટકા મુસ્લિમ વોટ છે. અન્યને ત્રણ ટકા મુસ્લિમ મતો મળ્યા હતા. ઓબીસી મતદારોમાં 55 ટકા ઓબીસી મતદારોએ ભાજપ સાથે, 30 ટકા કોંગ્રેસ સાથે, 13 ટકા આપ સાથે અને 2 ટકાએ અન્ય સાથે હાથ મિલાવ્યા હોવાનું અનુમાન છે.
મહત્વનું છે કે, ગુજરાતમાં પટેલ મતદારો મોટી સંખ્યામાં છે. લેઉઆ અને કડવા પટેલ બંનેએ ભાજપને ભારે મત આપ્યા હોવાનું અનુમાન છે. એક્ઝિટ પોલ મુજબ 48 ટકા લેઉઆ પટેલ મતદારોએ ભાજપને મત આપ્યો હતો જ્યારે 32 ટકા લેઉઆ મતદારોએ કોંગ્રેસને ટેકો આપ્યો તો 17 ટકા લેઉઆ મતદારોએ આપને સમર્થન કર્યું છે. 3 ટકા લોકોએ અન્યને મત આપ્યા છે. બીજી તરફ કડવા પટેલે ભાજપને 55 ટકા આ, કોંગ્રેસ ને 34 ટકા, આપને 8 ટકા અને અન્યને 3 ટકા વોટ આપ્યા છે.
તમામ એક્ઝિટ પોલમાં ભાજપની મોટી જીત
લગભગ તમામ એક્ઝિટ પોલમાં ભાજપને ખૂબ મોટી જીત મળતી દેખાઈ રહી છે. આજ સુધીમાં માય એક્સિસે ગુજરાતમાં ભાજપને 129થી 151 બેઠકો આપી છે. એબીપી સી વોટર મુજબ ભાજપને 128થી 140, કોંગ્રેસને 31થી 43, આપને 3 થી 11 અને અન્યને 12 થી 6 બેઠકો મળી રહી છે. આ સાથે રિપબ્લિક-પી માર્ક એક્ઝિટ પોલ મુજબ ભાજપને 128થી 148, કોંગ્રેસને 30 થી 42, આપને 2 થી 10 અને અન્યને શૂન્યથી 3 બેઠકો મળી રહી છે.