હાય રે મોંઘવારી / લીંબુના ભાવ બેવડી સદી મારશે? શાકભાજીમાં વધતા ભાવનો 'ભડકો', અચાનક બજાર ગરમ થવાના કારણો આવ્યા સામે

• શાકભાજીનાં ભાવમાં ભડકો થતા ગૃહિણીઓનું બજેટ ખોરવાયું
•  લીંબુનો ભાવ 1 કિલોએ 160 થી 180 પહોચ્યો
• આગામી એક સપ્તાહ સુધી ભાવમાં કોઈ ફેરફાર નહી થાય

રાજ્યમાં પડેલ કમોસમી વરસાદનાં કારણે શાકભાજીના ભાવ આસમાને પહોચ્યા છે. ત્યારે લીંબુનો ભાવ 1 કિલોએ 160 થી 180 પહોચ્યો છે. જ્યારે ભીંડા, ગવાર અનો ચોળીનાં ભા 60 થી 70 રૂપિયે કિલો છે. ત્યારે હાલ શાકભાજીમાં ભાવ વધવાનાં કારણે ગૃહિઓનાં બજેટ પર અસર પડે છે. કમોસમી વરસાદનાં કારણે શાકભાજીનાં પાકમાં નુકશાન થવા પામ્યું છે. ત્યારે હજુ પણ શાકભાજીનાં ભાવ આસમાને જવાની  ભીંતી સેવાઈ રહી છે. 

1 સપ્તાહ સુધી કમોસમી વરસાદનાં કારણે ભાવમાં કોઈ ફેરફાર નહી થાય
એક તરફ રાજ્યમાં અનેક જિલ્લામાં માવઠાથી ખેડૂતો મુશ્કેલીમાં મુકાયા છે.. માવઠાના કારણે અમદાવાદના શાક માર્કેટમાં શાકભાજીની આવકમાં ઘટાડો થતા ભાવ આસમાને પહોંચ્યા છે. મધ્ય ગુજરાત અને દક્ષિણ ગુજરાતમાંથી આવતી શાકભાજીના ભાવમાં તોતિંત વધારો ઝીંકાયો છે. હાલમાં અમદાવાદની બજારોમાં અન્ય રાજ્યમાંથી શાકભાજીની આવકમાં વધારો થઈ રહ્યો છે.. રોજીંદી શાકભાજીની આવકમાં બહારના રાજ્યોમાંથી આવી રહી છે. મહારાષ્ટ્ર, મધ્ય પ્રદેશ અને રાજસ્થાન અમદાવાદના બજારોમાં શાકભાજી આવી રહી છે. આગામી 1 સપ્તાહ સુધી કમોસમી વરસાદના કારણે ભાવમાં કોઈ ફેરફાર નહીં થાય.