રિલાયન્સ જીઓએ લોકોને સસ્તુ ઇન્ટરનેટ આપીને ટેલીકોમ ક્ષેત્રે ઘણી મોટી ક્રાંતિ લાવી દિધી અને અન્ય સર્વિસ પ્રોવાઇડર કંપનીઓ પણ જીઓના આ ઝટકાથી હજુ સુધી ઉભરી શકી નથી. ત્યારે આવા સમયે સોશિયલ મીડિયા પર એક મેસેજ વાયરલ થયો છે. મેસેજમાં લખવામાં આવ્યું છે કે જીઓના 25 કરોડ ગ્રાહકો થઇ ગયા છે. એટલે કંપની હવે 5 લાખ ગ્રાહકોને મફત ટી શર્ટ આપશે. તો શું છે મફત ટી શર્ટના વાયરલ મેસેજનું સત્ય જુઓ વાયરલ ટ્રુથના આ રિપોર્ટમાં.
વાયરલ થયેલો આ મેસેજ રિલાયન્સ જીઓનું સિમકાર્ડ વપરતા તમામ લોકો માટે જરૂરી છે. કારણ કે સોશિયલ મીડિયા પર જીઓના કાર્ડ ધારકો અંગે એક મેસેજ વાયરલ થયો છે. આ મેસેજ એવો છે કે કોઇપણ તેને વાંચીને લાલચમાં આવી શકે છે. વાયરલ થયેલા મેસેજમાં લખ્યું છે કે જીઓના 25 કરોડ ગ્રાહકો થવાની ખુશીમાં જીએના નિર્માતા મુકેશ અંબાણી આ 26 જાન્યુઆરીના અવસર પર પાંચ લાખ ગ્રાહકોને મફત ટી શર્ટ ભેટમાં આપશે. તો તમારી પાસે પણ જીઓનું સિમ કાર્ડ હોય તો નીચે આપેલી લીન્ડ પર ક્લીક કરીને ફોર્મ ભરો અને ટી શર્ટ મેળવો. વાયરલ થયેલા આ મેસેજ સાથે લીન્ક આપવામાં આવી છે. આ મેસેજ માત્ર વોટ્સએપ પર જ નહી ફેસબુક અને ટ્વીટર પર પણ વાયરલ થયો છે.
સોશિયલ મીડિયા પર વાયરલ થયેલા મેસેજ જોઇને આ પ્રકારના ઘણા સવાલ અમારા મનમાં ઉઠ્યા. વાત જીઓના કરોડો ગ્રાહકો સાથે સંકળાયેલી હતી. એટલે જીઓ 26 જાન્યુઆરી પહેલા મફત ટીશર્ટ આપશે કે કેમ તે અંગેની સાચી માહિતી જાણવા માટે અમે તપાસ શરૂ કરી. અમે સૌથી પહેલા વાયરલ થયેલા મેસેજ સાથે આપવામાં આવેલી લિંક પર ક્લીક કર્યું. તો અમારી સામે એક વેબસાઇટ ખુલી ગઇ. આ વેબસાઇટ પર ત્રિરંગાના રંગમાં રંગેલી ત્રણ ટી શર્ટના ફોટો હતા. આ સાથે જ નિચે કેટલીક જાણકારી આપવામાં આવી હતી. લખ્યું હતું કે ટીશર્ટ માટે ફોર્મ ભરવાની અંતિમ તારીખ 23 જાન્યુઆરી છે. આ સાથે જ લખ્યું હતું કે અત્યાર સુધીમાં 3 લાખ લોકો ફોર્મ ભરી ચુક્યા છે. ત્યાર બાદ ફોર્મ ભરવાના સમય અંગે કાઉન્ટડાઉન ચાલતુ હતું અને તેની નિચે ફોર્મ આપવામાં આવ્યું હતું.
26મી જાન્યુઆરી પહેલા જીઓ મફત ટીશર્ટ આપશે કે નહી તે મેસેજનું સત્ય જાણવા માટે અમે ફોર્મ ભરવાની શરૂઆત કરી. નામના ખાનામાં અમે એબીસી લખ્યું. ત્યાર બાદ ફોન નંબર પીન કોર્ડ નંબર સરનામુ અને ટીશર્ટની સાઇઝ અંગેની વિગતો ભરી. પણ ધ્યાન રહે અમે આ તમામ વિગતોમાં આડાઅવળા નંબર તેમજ આલ્ફાબેટ લખ્યા છે.
ફોર્મની નિચે વધુ એક જાણકારી આપવામાં આવી હતી કે 26 જાન્યુઆરી પહેલા આપને ટી શર્ટ મળી જશે પણ ફોર્મ બાદ ડ્રો થશે કે પછી વહેતા તે પહેલાના ધોરણે ટીશર્ટ મળશે? ગ્રાહક સુધી ટીશર્ટ કેવી રીતે પહોંચશે તે અંગે કોઇ જ માહિતી આપવામાં આવી ન હતી. તેમ છતાં અમે ફોર્મ સબમીટ કરી દિધું. વાદળી બટન પર કલીક કરતા જ વધુ એક પેજ અમારી સામે ખુલ્યું. જેમાં લખ્યું હતુ કે વેરિફિકેશ માટે તમારે 10 લોકોને આ મેસેજ મોકલવો પડશે. અમે 10 લોકોને મેસેજ મોકલી પણ દિધા. તો ત્યાર બાદ છેલ્લે અમને એક એપ્લીકેશન ઇનસ્ટોલ કરવાનું કહેવામાં આવ્યું પણ આ એપ્લીકેશનને જીઓ સાથે કોઇ જ લેવાદેવા ન હતા.
હવે અમે પહોંચ્યા લિંક બાદ ખુલેલા મુખ્ય પેજ પર. આ વેબસાઇટનું નામ છે jio-free-t-shirt.blogspot.com રિલાયન્સ જીઓનું આ ટ્વીટર હેન્ડલનું વાદળી ટીક માર્ક છે. એટલે કે આ ટ્વીટર હેન્ડલ વેરીફાઇડ છે. અહીંયા જીઓની વેબસાઇટ પણ આપવામાં આવી હતી. તેના પર અમે ક્લીક કર્યું તો એક નવું પેજ ખુલ્યું જે વેબસાઇટનું નામ હતું જીઓ ડોટ કોમ. એટલે કે સ્પષ્ટ થાય છે કે જીઓની આ સાચી વેબસાઇટ છે. જ્યારે જે વેબસાઇટ પર ફ્રી ટીશર્ટ માટેનું ફોર્મ ભરવાનો વિકલ્પ હતો તે વેબસાઇટ જીઓની છે જ નહી. જેથી સ્પષ્ટ થાય છે કે રિલાયન્સ જીઓ દ્વારા 26 જાન્યુઆરી પહેલા 5 લાખ ગ્રાહકોને મફત ટી શર્ટ આપવાનો વાયરલ થયેલો મેસેજ ખોટો છે. કારણ કે જીઓ દ્વારા આ દાવો કરવામાં આવ્યો જ નથી.