રાજકારણ / ગુજરાતમાં પણ ખેલા હોબે? 2022 પહેલા મમતા બેનર્જીની એન્ટ્રીથી ભાજપનું ટૅન્શન થશે ડબલ

• વિધાનસભાની ચૂંટણી પહેલા મોટા સમાચાર
• ગુજરાતમાં વધુ એક પક્ષ પગપેસારાની તકમાં
• મમતા બેનર્જીની પાર્ટી ગુજરાતમાં થશે સક્રિય

ગુજરાતની રાજનીતિને લઈ મોટા સમાચાર સામે આવી રહ્યા છે એક બાદ એક મોટા નેતાઓ ગુજરાત તરફ વળી રહ્યા છે. એવામાં વધુ એક રાજકીય નેતા ગુજરાતના રાજકારણમાં સક્રિય થવા પગપેસારાની તક શોધી રહ્યું હોય તેવું લાગી રહ્યું છે. 

મમતા બેનર્જીની પાર્ટી ગુજરાતમાં થશે સક્રિય

પહેલા અસુદ્દીન ઔવેસીની પાર્ટી AIMIM પછી દિલ્હીના મુખ્યમંત્રી અને આમ આદમી પાર્ટીના સંયોજન અરવિંદ કેજરીવાલ બાદ હવે ગુજરાતની રાજનીતિમાં એક નવા જ પક્ષનો ઉદય થવા જઈ રહ્યો છે. આ નવો પક્ષ બીજો કોઈ નહીં પણ મમતા બેનર્જીની પાર્ટી TMCનો છે તૂણ મૂલ કોંગ્રેસ. TMCના હવે ગુજરાતમાં સક્રિય થવાના એંધાણ મળી રહ્યા છે

ગુજરાતમાં TMCનો વિસ્તાર વધારવા થશે પ્રયાસ

2022માં ગુજરાત વિધાનસભાની ચૂંટણીઓ યોજાનાર છે ત્યારે તમામ પક્ષો તૈયારીમાં લાગેલા છે એવામાં વધુ એક પક્ષ ગુજરાતના રાજકારણમાં પગ પેસારાની તક શોધી રહ્યો છે.  ગુજરાતમાં TMC પોતાનો વિસ્તાર વધરાવાનો પ્રયાસ કરી રહ્યું હોવાનું સામે આવ્યું છે. 

મમતા બેનર્જીનું સંબોધન ગુજરાતમાં પણ દર્શાવાશે

21 જુલાઈએ TMC શહીદ દિવસ મનાવશે જેમાં TMCના નેતા અને પશ્ચિમ બંગાળના મુખ્યમંત્રી વર્ચ્યૂઅલ માધ્યમથી સંબોધન કરશે જેમનું સંબોધન ગુજરાતમાં પણ દર્શાવાશે જે માટે TMC દ્વારા ગુજરાતના મોટા શહેરોમાં સ્ક્રીન લગાવવામાં આવી રહી છે.