ટેકનોલોજી / શું Instagramની લોકપ્રિયતા હવે ફેસબુકને પણ પછાડશે! જાણો કેટલાં અબજ લોકો કરી રહ્યાં છે આ APP યુઝ

• Instagram ની ટક્કર હવે ફેસબુક સાથે જ છે.
• ટૂંક સમયમાં Instagram ફેસબુકને પણ પાછળ છોડી દેશે
• Instagram પર હવે લગભગ 2 બિલિયન મંથલી એક્ટિવ યુઝર્સ છે

Instagramની લોકપ્રિયતા ખૂબ જ ઝડપથી વધી રહી છે એ વિશે આપણે બધા જાણીએ છીએ અને એક નવા રિપોર્ટમાં આ વિશે માહિતી પણ આપવામાં આવી છે. જણાવી દઈએ કે Instagram પર હવે લગભગ 2 બિલિયન મંથલી એક્ટિવ યુઝર્સ છે અને જો આ સંખ્યા આમ જ વધતી રહી તો ટૂંક સમયમાં Instagram ફેસબુકને પણ પાછળ છોડી દેશે. 

એટલે કે Instagram ની ટક્કર હવે ફેસબુક સાથે જ છે. તમને જણાવી દઈએ કે બંનેની મૂળ કંપની Meta Platforms Inc છે.  અને હવે આ બંને વચ્ચે જ ટક્કર થઈ રહી છે. બ્લૂમબર્ગે આ અંગે માહિતી આપી છે અને તેની એ રિપોર્ટમાં કહેવામાં આવ્યું છે કે ફેસબુક પર હાલમાં 2.96 બિલિયન મંથલી એક્ટિવ યુઝર્સ છે. 

જણાવી દઈએ કે કંપનીએ અર્નિંગ રિપોર્ટ દરમિયાન આ નંબરો વિશે માહિતી આપી હતી અને એમ કહ્યું કે તેની મેસેજિંગ એપ WhatsApp નો દરરોજ 2 બિલિયનથી વધુ લોકો ઉપયોગ કરે છે અને આ સાથે જ મંથલી દુનિયાભરના 3.71 બિલિયન યુઝર્સ મેટાની ફેમિલી એપ્સનો ઉપયોગ કરે છે. 

જૂન 2018 માં કંપનીએ માહિતી આપી હતી કે Instagram એ 1 બિલિયન મંથલી એક્ટિવ યુઝર્સ આંકડો પાર કરી લીધો હતો અને પછી કંપનીએ તેમાં ઘણા ફેરફાર પણ કર્યા છે. લગભગ એક દાયકા પહેલા મેટા કંપનીએ તેને ખરીદ્યું હતું. હવે Instagram ફોટો-શેરિંગ એપથી ઘણું આગળ વધી ગયું છે. 

આપણે બધા જાણીએ છીએ કે Instagram હવે શોર્ટ વિડિયો ફોર્મેટ રીલ્સ પર ફોકસ કરી રહ્યું છે અને આ ફીચર લોકપ્રિય એપ Tik-Tok થી પ્રેરિત છે. Tik-Tokને ભારતમાં આ ચાઈનીઝ કનેક્શન હોવાના કારણે પ્રતિબંધિત કરવામાં આવ્યું હતું અને એ પછી ઇન્સ્ટાએ રીલ્સ લોન્ચ કરી હતી અને એ પછી થી તેની લોકપ્રિયતા ખૂબ જ ઝડપથી વધી છે. 

હાલના એક રિપોર્ટમાં જણાવવામાં આવ્યું છે કે યુવાનો ફેસબુક કરતા ઈન્સ્ટાગ્રામને વધુ પસંદ કરી રહ્યા છે. અને જો આવું જ ચાલતું રહ્યું તો આવનારા સમયમાં તે યૂઝર્સના મામલે ફેસબુકને જ ટક્કર આપશે.