ગુજરાત પ્રદેશ કોંગ્રેસના નેતા હાર્દિક પટેલે વ્હોટ્સએપ ડીપી ચેન્જ કરી નાખતાં હાર્દિક કોંગ્રેસ છોડશે તેવી અટકળો તેજ થઈ જવા પામી છે
ભાજપમાં જોડાવાની અટકળો વચ્ચે હાર્દિક પટેલે DP બદલ્યું
અગાઉ હાર્દિકના વ્હોટ્સએપ DPમાં કોંગ્રેસનો પંજો હતો
હાર્દિકે DP બદલતા કોંગ્રેસ છોડવાની અટકળો તેજ
ગુજરાત પ્રદેશ કોંગ્રેસના કાર્યકારી અધ્યક્ષ હાર્દિક પટેલે પોતાનું વ્હોટ્સએપ ડીપી ચેન્જ કરી નાખતાં રાજકીય ગુજરાત કોંગ્રેસમાં ભારે હડકંપ મચી ગયો છે. આ સાથે ગુજરાતના રાજકારણમાં હાર્દિક પટેલ કોંગ્રેસનો સાથ છોડી રહ્યાં છે. તેવી અટકળો પણ વધુ તેજ બની છે.
હાર્દિકે DP બદલતા કોંગ્રેસ છોડવાની અટકળો તેજ
મહત્વનું છે કે, હાર્દિક પટેલ આજે પોતાનું સોશિયલ મીડિયાનું ડીપી ચેન્જ કરી નાંખ્યું છે, આ પહેલા તેમના વ્હોટ્સેપ ડીપીમાં કોંગ્રેસના પંજાની નિશાનીવાળું ડીપી હતું અને જેમાં લખ્યું હતું કે, હું લડીશ અને જીતીશ, જો કે હજુ ગઈકાલ સુધી એટલે કે 22મી તારીખ સુધી હાર્દિકનું આજ ડીપી હતું. પણ આજે એકા એક ડીપી બદલીને ફોર્મલ ફોટો મુક્યો છે. ઉલ્લેખનીય છે કે, વ્હોટ્સેપ ડીપીમાંથી કોંગ્રેસનો પંજો નીકળી ગયો છે પણ ફેસબુક અને ટ્વિટરમાં એ જ પ્રોફાઈલ પિક્ચર છે.
હાર્દિકે ગઈકાલે જ ભાજપના વખાણ કર્યા હતાં.
મહત્વનું છે કે, ગઈકાલે જ હાર્દિક પટેલે કોંગ્રેસ પક્ષની નેતાગીરીથી નારાજગી વચ્ચે મોટું નિવેદન આપતાં જણાવ્યું હતું કે, કોંગ્રેસના નેતાઓમાં નિર્ણય શક્તિનો અભાવ છે. આ સાથે તેમણે વધુમાં ભાજપના વખાણ કરતાં ઉમેર્યું હતું કે, ભાજપે જમ્મુ કાશ્મીર 370ની કલમ હટાવવી, અને હવે રામમંદિરનું નિર્માણ જેવાં સારાં કામો કર્યા છે. જેની પ્રશંસા થવી જોઈએ. હાર્દિકના નિવેદનથી સ્પષ્ટ પણે એવું જણાઈ આવ્યું હતું કે, તેઓ ભાજપની નેતાગીરીથી અને તેની સંગઠન શક્તિથી ખૂબ પ્રભાવિત છે.