હાલનો સમય મેરજ સિજનનો હોવાથી સોનાનો ભાવ 48,000 ઉપર પહોંચી ગયો હતો પરંતુ સાંજ થતાં તેમાં ઘટાડો નોંધાયો છે અને 47,760 પર પહોંચ્યો છે.
સોના-ચાંદીના ભાવને લઈને મહત્વના સમાચાર
સોનાના ભાવ 50000 સુધી પહોંચવાની એક્સપર્ટ્સે કરી આગાહી
ડોલર નબળો પડવાને લઈને ભાવમાં થઇ શકે વધારો
નિષ્ણાંતોના જણાવ્યા અનુસાર, અમેરિકન કરન્સી નબળી પડવાનું એક મુખ્ય કારણ છે. જેના લીધે સોનાના ભાવમાં ઉછાળો જોવા મળી રહ્યો છે. છેલ્લા એક મહિનાની અંદર ડોલર દુનિયાભરના ચલણની સામે 3 ટકા નબળો સાબિત થયો છે .
સોનાના ભાવમાં ઉછાળાનું કારણ ડોલરની નબળાઇ
મોતીલાલ ઓસવાલના રિસર્ચ વિભાગના વાઇસ પ્રેસિડેન્ટે જણાવ્યું હતું કે, સોનાના ભાવમાં વધારો થવાનું કારણ ડોલરની નબળાઇ છે. છેલ્લા એક અઠવાડિયામાં અમેરિકન ડોલરમાં 0.80નો ઘટાડો જોવા મળ્યો છે. તો આ સાથે જ એક મહિનામાં 3 ટકા સુધી નબળો પડ્યો છે. તો આવનારા સમયમાં ડોલર હજુ નબળો થાય તેવી શક્યતાઓ નકારી શકાય નહીં.
ડોલરના ભાવમાં હજુ ઘટાડો થવાની સંભાવના
આઇઆઇએફએલ સિક્યોરિટીના કોમોડીટી વિભાગના વાઇસ પ્રેસિડેન્ટનું પણ માનવું છે કે, ડોલરના ભાવમાં હજુ ઘટાડો થવાની સંભાવના છે કેમ કે, આર્થિક વિકાસ માટે રાહત પેકેજની આશા સેવાઇ રહી છે .
રોકાણકારો ફરી એકવાર સોના તરફ આકર્ષિત
ડોલર અને નેસ્ડેક પણ આ સમય પર દબાણમાં છે, જ્યારે યૂએસ બોન્ડ પણ નબળો થયો છે અને કેન્દ્રની બેન્કો દ્વારા ગોલ્ડ હોલ્ડિંગમાં 250 ટનનો વધારો કર્યો છે. એવામાં રોકાણકારો ફરી એકવાર સોના તરફ આકર્ષિત થઈ શકે છે.
શું હજુ વધશે સોનાના ભાવ
ગોલ્ડના ભાવ અંગે એક્સપર્ટ્સે જણાવ્યું હતું કે, જો ડોલરમાં આવી જ રીતે ઘટાડો રહ્યો તો, 10 ગ્રામ સોનાના ભાવમાં વધારો જોવા મળશે. સોનાના ભાવમાં 49,500 થી 50,000 સુધી નો વધારો જોવા મળી શકે છે. આ સાથે જ તેમણે કહ્યું કે, આવનારા દિવસોમાં સોનાનો ભાવ 1500 થી 1800 સુધી વધી શકે છે.
આ રીતે ચેક કરી શકાય છે સોનાની શુદ્ધતા
તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી સકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી સકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહ તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.