કોંગ્રેસ મહાસચિવ પ્રિયંકા ગાંધીએ યુપી વિધાનસભાની ચૂંટણી એકલે હાથે લડવાની મોટી જાહેરાત કરી દીધી છે.
કોંગ્રેસ મહાસચિવ પ્રિયંકા ગાંધીની મોટી જાહેરાત
યુપી વિધાનસભાની ચૂંટણી એકલે હાથે લડશે કોંગ્રેસ
કોઈ પાર્ટી સાથે ગઠબંધન નહીં કરે
યુપીમા 2022 ની સાલમાં વિધાનસભાની ચૂંટણી યોજાવાની છે ત્યારે તમામ પક્ષો પોતપોતાના સોગઠા ગોઠવવાના કામમાં લાગ્યાં છે. કોઈ ગઠબંધનમાં કોઈ તો વળી ગઠબંધન વગર ચૂંટણી લડવાની જાહેરાત કરી રહ્યું છે ત્યારે હવે કોંગ્રેસે પણ પોતાના પત્તા ખોલ્યા છે.
રવિવાર બુલંદશહેરમાં પ્રતિજ્ઞા સંમેલનમાં પાર્ટી કાર્યકરોને સંબોધતા પ્રિયંકા ગાંધીએ જણાવ્યું કે મને પાર્ટી કાર્યકરોએ આગામી વિધાનસભાની ચૂંટણીમાં કોઈ પાર્ટી સાથે ગઠબંધન ન કરવાનું જણાવ્યું છે. હું તમને તમામને ખાતરી આપવા માગું છું કે અમે તમામ બેઠકો પર લડીશું અને એકલે હાથે ચૂંટણી લડીશું.
યોગી રાજમાં મહિલાઓ અને ગરીબો પર અત્યાચાર વધ્યો
પ્રિયંકા ગાંધીએ ગંગા કિનારે દુર્ગા પ્રસાદ બલજીત સિંહ કોલેજમાં આયોજિત લક્ષ્ય 2022 ના હોદ્દેદારોપ્રતિજ્ઞા સંમેલનમાં બોલવાનું શરૂ કર્યું હતું અને કાર્યકરોએ તાળીઓના ગડગડાટ સાથે તેમના ભાષણનું સ્વાગત કર્યું હતું. પ્રિયંકા ગાંધીએ તેમના સંબોધન દરમિયાન ભાજપ સરકારમાં કરવામાં આવેલા પોલીસ અત્યાચારોની વાર્તાઓ પણ વર્ણવી હતી. તેમણે કહ્યું કે, "યોગી રાજમાં મહિલાઓ અને ગરીબો પર અત્યાચાર વધ્યો છે. પ્રિયંકા ગાંધીએ બુલંદશહરના લોકોને અનેક વચનો પણ આપ્યા હતા.
ભાજપના નેતૃત્વને સ્વતંત્રતાનો અર્થ ખબર નથી
પ્રિયંકા ગાંધીએ કહ્યું કે ગાંધીજી, નહેરુજી, સરદાર પટેલ અને બાબા સાહેબે આઝાદી માટે બલિદાન આપ્યા હતા, પરંતુ ભાજપના નેતૃત્વને સ્વતંત્રતાનો અર્થ ખબર નથી. આજે, ફક્ત થોડા લોકોને સ્વતંત્રતા છે. હાથરસની ઘટનાનો ઉલ્લેખ કરતાં તેમણે કહ્યું હતું કે, "પીડિતાના પરિવારને અંતિમ સંસ્કાર સુધી પ્રદર્શન કરવાની પૂરતી સ્વતંત્રતા મળી ન હતી. કરો યા મરો સૂત્રને ફરીથી સાકાર કરવાનો સમય આવી ગયો છે. પ્રિયંકા ગાંધીએ પણ ભાવ વધારાને લઈને ભાજપ સરકારને ઘેરી હતી. તેમણે કહ્યું હતું કે, 70 વર્ષમાં પેટ્રોલની કિંમત 70 રૂપિયા થઈ ગઈ છે. છેલ્લાં સાત વર્ષમાં તે વધીને રૂ. ગેસ ડીઝલની કિંમતોમાં સતત વધારો થઈ રહ્યો છે. તમારી લડાઈ સપા અને બસપા નથી પરંતુ માત્ર કોંગ્રેસ લડી રહી છે.