કોરોના રિટર્ન્સ / દેશમાં કોરોનાના સૌથી સંક્રમિત રાજ્યોની શું છે સ્થિતિ? જાણો 2 દિવસ માટે ક્યાં શું ચાલુ અને બંધ

• કોરોનાના કેસમાં થઈ રહ્યો છે સતત વધારો
• અનેક રાજ્યોમાં લોકડાઉનની સ્થિતિ
• સૌથી વધુ પ્રભાવિત રાજ્યોમાં જાણો શું રહેશે ચાલુ - બંધ 

ભારતમાં કોરોનાના કેસની સંખ્યા ચિંતાજનક સ્થિતિમાં પહોંચી રહી છે. 24 કલાકની વાત કરીએ તો દેશમાં 39726 કેસ સામે આવ્યા છે. અનેક રાજ્યોએ કોરોના પ્રતિબંધને કડક કરવાનો નિર્ણય લીધો છે. સૌથી ખરાબ સ્થિતિ મહારાષ્ટ્રની છે. રાજ્યના સીએમ ઉદ્ધવ ઠાકરેએ કહ્યું કે જો લોકો કોરોના ગાઈડલાઈન્સનું પાલન નહીં કરે તો ભવિષ્યમાં કડક નિયમો કરવામાં આવશે. લોકડાઉન એક વિકલ્પ હોઈ શકે છે. દેશમાં છેલ્લા 3 મહિનામાં સૌથી વધારે કેસ સામે આવ્યા છે અને એ ચિંતા પણ જાહેર કરાઈ છે કે ફરી એકવાર લોકડાઉન આવશે કે કેમ.

पंजाब में पिछले 24 घंटों में 2490 नए #COVID19 मामले, 1339 रिकवरी और 38 मौतें दर्ज़ की गई।

कुल मामले: 2,07,888
कुल रिकवरी: 1,86,187
मृत्यु: 6242
सक्रिय मामले: 15,459 pic.twitter.com/2agT4VdbtV

— ANI_HindiNews (@AHindinews) March 19, 2021

જાણો લોકડાઉનની સ્થિતિ
લોકડાઉનની વાત કરીએ તો દેશના અનેક ભાગમાં તેની શરૂઆત થઈ છે. સૌથી પહેલા મહારાષ્ટ્રમાં અહીના કેટલાક જિલ્લામાં ઝડપથી કેસ વધી રહ્યા છે. લોકડાઉનનો નિર્ણય અહીં લેવાયો છે. રાજ્યમાં અલગ અલગ પ્રતિબંધ કરાયા છે. ક્યાંક 21 તારીખે લોકાઉન છે તો ક્યાંક 31 માર્ચ સુધી નાઈટ કર્ફ્યૂ જાહેર કરાયો છે. આ સિવાય મુંબઈમાં પોલીસ લોકોને કોરોના નિયમ તોડવા માટે પણ દંડ વસૂલી રહી છે. પોલિસને આદેશ અપાયા છે કે લોકોની અનર્ગલ આવાજાહી પર રોક લગાવી લેવામાં આવે. 
 

हमने 9 जिलों में रात 9 बजे से सुबह 5 बजे तक कर्फ्यू लगाया है। इन जिलों में पहले भी मामले ज्यादा थे और अब भी ज्यादा बढ़ रहे हैं। अमृतसर में भी कर्फ्यू अब रात 9 बजे से सुबह 5 बजे तक होगा: अमृतसर उपायुक्त #COVID19 pic.twitter.com/dI4b3x4yvW

— ANI_HindiNews (@AHindinews) March 19, 2021

આવી છે પંજાબની સ્થિતિ
પંજાબમાં પણ અનેક જિલ્લામાં નાઈટ કર્ફ્યૂનો સમય વધારવામાં આવ્યો છે. એક દિવસ પહેલા કોરોનાના 2000 કેસ આવ્યા છે. મુખ્યમંત્રી કેપ્ટન અમરિંદર સિંહે રાજ્યના 22 જિલ્લામાં નાઈટ કર્ફ્યૂને 2 કલાક વધાર્યો છે. આ સિવાય સ્કૂલ અને કોલેજને 31 માર્ચ સુધી બંધ કરાયા છે. મહામારીથી ખરાબ રીતે પ્રભાવિત 11 જિલ્લામાં કડક નિયમોની જાહેરાત કરાઈ છે. સરકારે પ્રભાવિત જિલ્લામાં સામાજિક સમારોહ પર રોક લગાવી છે.

गुजरात में पिछले 24 घंटों में 1,415 नए #COVID19 मामले, 948 रिकवरी और 4 मौतें दर्ज़ की गई।

कुल मामले: 2,83,864
कुल मौत: 4,437
कुल रिकवरी: 2,73,280
सक्रिय मामले: 6,147

— ANI_HindiNews (@AHindinews) March 19, 2021

ગુજરાતમાં અનેક જગ્યાઓએ પ્રતિબંધ
ગુજરાતમાં પણ કોરોના ફરીથી પગપેસારો કરી રહ્યો છે. ગુરુવારે રાતે ગુજરાતમાં સતત બીજા દિવસે 1100થી વધુ કેસ આવ્યા છે તો ગુરુવારે 1276 અને શુક્રવારે 1478 કેસ સામે આવ્યા છે. આ કારણે સરકાર એલર્ટ બની છે. અમદાવાદ અને સુરતમાં રાતે 9થી સવારના 6 સુધી નાઈટ કર્ફ્યૂ જાહેર કરાયો છે. આ સાથે અમદાવાદમાં વીકેન્ડ પર સિનેમા અને મોલ બંધ રહેશે. આ સાથે 10 એપ્રિલ સુધી શાળાઓ બંધ રહેશે અને ઓફલાઈન શિક્ષણ કાર્ય થશે નહીં. પરીક્ષાઓ પણ ઓનલાઈન જ લેવાશે. હાલમાં અહીં લોકડાઉનને લઈને કોઈ નિર્ણય લેવાયો નથી.

#COVID19 मामलों में वृद्धि के मद्देनजर इंदौर, भोपाल और जबलपुर में 21 मार्च रविवार को एक दिवसीय लॉकडाउन लगाया जाएगा। इन 3 शहरों के सभी स्कूल और कॉलेज 31 मार्च तक बंद रहेंगे। आज मुख्यमंत्री शिवराज सिंह चौहान की अध्यक्षता में हुई समीक्षा बैठक में यह फैसला लिया गया है।

— ANI_HindiNews (@AHindinews) March 19, 2021

મધ્યપ્રદેશના જિલ્લામાં લોકડાઉનનો નિર્ણય
મધ્યપ્રદેશમાં કોરોના સંક્રમણના ફેલાવાને જોતા સરકારે મોટો નિર્ણય લીધો છે. 21 માર્ચે રવિવારે રાજધાની ભોપાલ સહિત ઈન્દોર અને જબલપુરમાં લોકડાઉન રહેશે. આ 3 શહેરોમાં 31 માર્ચ સુધી શાળાઓ બંધ રહેશે. કોરોનાની સ્થિતિને જોતા સીએમ શિવરાજ સિંહ ચૌહાણની હાજરીમાં ઈમરજન્સી બેઠકમાં આ નિર્ણય લેવાયો છે. 

 
કર્ણાટક અને કેરળમાં પણ નિયમ કરાયા કડક
કર્ણાટક અને કેરળમાં પણ કેસને લઈને સરકારે કડક વલણ અપનાવ્યું છે. કેરળમાં વિધાનસભા ચૂંટણી થઈ રહી છે. આ કારણે સરકારની તરફથી કોરોનાના નિયમોના પાલનની સૌથી વધારે કડક તાકીદ કરાઈ છે.