પાકિસ્તાન જીત / VIDEO : નાના બાળકની જેમ કોહલીને તેડીને ગોળ ગોળ ફરવા લાગ્યો રોહિત, જીત બાદ આવ્યો ભાવુક વીડિયો

• ટી20 મેચમાં ભારતે પાકિસ્તાનને આપ્યો 4 વિકેટથી પરાજય
• જીતનો હિરો બન્યો કોહલી, 53 બોલમાં 82 રન 
• જીત બાદ ઉજવણીમાં ડૂબી ટીમ ઈન્ડીયા
• રોહિતે કોહલીને તેડીને ગોળ ગોળ ઘુમાવ્યો 

પાકિસ્તાન સામેની ટી20 મેચમાં ભારતનો વિજય થયો છે અને મેચની જીતનો હીરો વિરાટ કોહલી બન્યો છે. કોહલીએ લગભગ હારેલી બાજીને ભારતના પક્ષમાં પલટી નાખી હતી. કોહલીએ 53 બોલમાં અણનમ રહીને 82 રન બનાવ્યાં હતા. 

નાના બાળકની જેમ કોહલીને તેડીને રોહિતે મનાવ્યો જશ્ન 
ટીમ ઈન્ડિયાએ આખરી બોલ પર વિજય મેળવ્યો ત્યારે કોહલીએ હંમેશની જેમ તેની સ્ટાઈલમાં જશ્ન મનાવ્યો. તેણે જમીન પર મુક્કો માર્યો અને પોતાની આક્રમકતા બતાવી. તે જ સમયે, રોહિત મેદાન પર આવ્યો અને કોહલીને જોઈને પોતાને રોકી શક્યો નહીં. તેણે પહેલા કોહલીને ગળે લગાવ્યો અને પછી તેને ખભા પર ઊંચકી લીધો. બાળકની જેમ તે કોહલીને ખભે લટકાવીને ફરવા લાગ્યો. મેદાન પર જીતનો આ નજારો કોઈ પણ ચાહકને ભાવુક કરવા માટે પુરતો છે.

Rohit and virat ❤🔥#indiavspakistan #kholi #ViratKohli #RohitSharma #cricket pic.twitter.com/OFYvLPloJs

— Sidharth 369 (@Sidhart41926581) October 23, 2022

કોહલીએ છેલ્લી ઓવરમાં પલટી બાજી 
ઓસ્ટ્રેલિયાના મેલબર્નમાં રમાયેલી ટી20 મેચમાં પહેલા બેટિંગ કરીને પાકિસ્તાને 159 રન બનાવ્યાં હતા. 160 રનનો પીછો કરવા ઉતરેલી ટીમ ઈન્ડીયાએ ભારે રસાકસી બાદ મેચ જીતી લીધી હતી. ભારતીય ટીમને જીતવા માટે 160 રન બનાવવાના હતા. જ્યારે તેના ટોચના ત્રણ બેટ્સમેનો માત્ર 26 રનમાં જ પાછા ફર્યા હતા. કોહલી તે સમયે ક્રિઝ પર હતો અને ત્યાર બાદ ટીમ ઈન્ડિયાને જીતાડીને જ પાછો ફર્યો. તેણે દબાણભર્યા મુકાબલામાં 53 બોલમાં 82 રન ફટકાર્યા હતા, જેમાં તેણે છ ચોગ્ગા અને ચાર છગ્ગા ફટકાર્યા હતા. કોહલીએ છેલ્લી ત્રણ ઓવરમાં મેચની બાજી પલટી નાખી હતી.