વાહનની સમસ્યા / અમદાવાદમાં રસ્તા પર પાર્કિંગ પડશે મોંઘું, રાત્રે સોસાયટી બહાર પાર્ક વાહન માટે ભરવો પડશે ચાર્જ

• અમદાવાદીઓ ખિસ્સા ખાલી કરવાની કરી લો તૈયારી
• વાહન પાર્ક કરજો પણ સોસાયટીની બહાર નહીં
• AMC લાવી શકે છે પાર્કિંગ પોલિસી 

અમદાવાદમાં સોસાયટીઓ દ્વારા રોડ પર પાર્કિંગ મુદ્દે મનપા આકરો નિર્ણય કરી શકે છે. રાત્રે રોડ પર વાહન પાર્ક કરવા મુદ્દે નાગરિકોએ ચાર્જ ભરવો પડશે. માસિક રૂપિયા 300થી 1500 સુધીનો ચાર્જ ભરવો પડશે. મનપાની પાર્કિંગ પોલિસી વિચારણાધિન છે. શહેરના મોટા ભાગના વિસ્તારમાં સોસાયટી બહાર વાહનો પાર્ક થાય છે. જે તે વિસ્તારની જંત્રી પ્રમાણે પાર્કિંગ ચાર્જ નક્કી કરવાની યોજના છે. ટૂંક સમયમાં આ યોજના અમલમાં થાય તો નવાઈ નહીં. શહેરમાં વધતા ટ્રાફિકની સમસ્યા પર પાર્કિંગ પોલિસી લાગૂ કરી શકે છે. સોસાયટીમાં પાર્કિંગ વ્યવસ્થા ન હોવાથી રહીશો રોડ પર જ વાહન પાર્ક કરી રહ્યાં છે.