રાજસ્થાનના કુખ્યાત ગેંગસ્ટર અને હાલમાં પંજાબની જેલમાં બંધ ગેંગસ્ટર લોરેન્સ બિશ્નોઈએ એક્ટર સલમાન ખાનને ફરી વાર મારી નાખવાની ધમકી આપી છે.
કુખ્યાત ગેંગસ્ટર લોરેન બિશ્નોઈએ સલમાનને ફરી આપી મોતની ધમકી
જેલમાંથી આપેલા ઈન્ટરવ્યૂમાં સલમાનને કહ્યું
માફી માગી લે નહીંતર તારો ઘમંડ તોડીશું
કાળા હરણનો શિકાર કરનાર સલમાનથી નારાજ છે બિશ્નોઈ સમાજ
રાજસ્થાનમાં કાળા હરણનો એક્ટર સલમાન ખાને કરેલા શિકારના બદલાની આગ હજુ પણ કુખ્યાત ગેંગસ્ટર લોરેન બિશ્નોઈના ધગધગી રહી છે. લોરેન્સ બિશ્નોઈ કાળા હરણનો શિકાર કરવા બદલ સલમાનની માફીની માગ કરી રહ્યો છે જોકે હજુ સુધી સલમાને માફી માગી નથી.
લોરેન્સ બિશ્નોઇએ જેલમાંથી એક ટીવી ચેનલને ઇન્ટરવ્યૂ આપ્યો
લોરેન્સ બિશ્નોઇએ જેલમાંથી એક ટીવી ચેનલને ઇન્ટરવ્યૂ આપ્યો હતો તેમાં તેણે સલમાનને ફરી મારી નાખવાની ધમકી આપી છે. તેણે કહ્યું કે તેઓ હજુ પણ કહે છે સલમાન માફી લે, નહીંતર અમે અમારી રીતે હિસાબ લઈશું અને તેનો ઘમંડ તોડીશું. અમારા સમાજમાં વૃક્ષો, છોડ અને પ્રાણીઓ વિશે ઘણી માન્યતા છે. સલમાને અમારા સમાજનું અપમાન કર્યું છે. અમે ઇચ્છીએ છીએ કે તે બધાની સામે આવે અને માફી માંગે.
બિકાનેરમાં અમારા સમાજમાં માફી માગ સલમાન- ગેંગસ્ટર
લોરેન્સ બિશ્નોઇએ કહ્યું કે રાજસ્થાનના બિકાનેરમાં અમારા સમાજનું મંદિર છે. સલમાને ત્યાં જઈને માફી માંગવી જોઈએ. જો તે માફી માગશે તો અમારે કંઈ મતલબ નથી પરંતુ તે માફી નહીં માગે તો અમે કાયદાનો આશરો નહીં લઈએ પણ અમારી રીતે હિસાબ સમજીશું.
બિશ્નોઈએ સલમાનને ત્રીજી વાર આપી મોતની ધમકી
સલમાન ખાન 2018થી લોરેન્સના નિશાન પર છે. 2022માં સલમાન ખાનને એક પત્રમાં ધમકી આપવામાં આવી હતી. આ પત્ર સલમાન ખાનના પિતા સલીમ ખાનને મળ્યો હતો. જેમાં લખ્યું હતું કે સલમાન ખાનની હાલત સિદ્ધુ મૂઝવાલા જેવી હશે. વર્ષ 2018માં પહેલીવાર લૉરેંસ બિશ્નોઈએ સલમાન ખાનને જાનથી મારી નાખવાની ધમકી આપી હતી. ત્યારથી સલમાન ખાન આ ગેંગના નિશાના પર છે. બિશ્નોઇએ પોતે ખુલાસો કર્યો છે કે 2018માં તેણે સલમાનની હત્યાનું સંપૂર્ણ ષડયંત્ર રચ્યું હતું.
લોરેન્સ બિશ્નોઈ સલમાનને કેમ આપી રહ્યો છે વારંવાર ધમકી
સલમાન ખાન 1998ના કાળા હરણના શિકાર કેસમાં ફસાયેલો છે. રાજસ્થાનનો બિશ્નોઈ સમાજ કાળા હરણને પુત્ર સમાન ગણે છે અને સલમાને વર્ષો કરેલી કરેલી હત્યાથી સમાજ આક્રોશિત છે. ગેંગસ્ટર લોરેન્સ પણ બિશ્નોઈ સમાજનો છે. હવે લોરેન્સ બિશ્નોઇ અભિનેતા પાસેથી આ પીડિતાનો બદલો લેવા માંગે છે.