ઠંડી ગાભા કાઢશે.. / દેશના હવામાન અંગે ચિંતાજનક આગાહી, 25 વર્ષ બાદ થશે કડકડતું, વૈજ્ઞાનિકોએ કારણ સાથે કર્યો દાવો

હવે શિયાળાની શરુઆત થઈ રહી છે. ધીરે ધીરે ઠંડી વધી રહી છે. આ શિયાળામાં તીવ્ર ઠંડી પડવાની સંભાવના છે અને તે છેલ્લા 25 વર્ષનો રેકોર્ડ તોડી શકે છે. AMUના ભૂસ્તરશાસ્ત્રીઓ કહે છે કે ઉત્તર ભારતમાં ઠંડીમાં વધારો પ્રશાંત મહાસાગરમાં ચાલી રહેલી "લા-નીના" અસર સાથે સીધો સંબંધ ધરાવે છે. આ ક્લાઈમેટ ચેન્જને કારણે ઉત્તર ભારતમાં તાપમાન સામાન્ય કરતા વધુ ઘટી શકે છે, જેના કારણે આ વખતે ઠંડી ખૂબ જ વધારે પ્રમાણમાં પડી શકે છે.

AMUના ભૂસ્તરશાસ્ત્રીઓ કહે છે કે લા નીનાને કારણે તાપમાનમાં ઘટાડો થશે અને ઉચ્ચ દબાણવાળા ઠંડા પવનોમાં વધારો થશે, જે ઉત્તર ભારતમાં ઠંડી લાવશે. આ એક આબોહવા ચક્ર છે, જે હવામાનમાં અણધાર્યા ફેરફારો લાવે છે. ઉદાહરણ તરીકે પહેલા વરસાદ ઓછો હતો, પરંતુ પછી વધુ પડતા વરસાદને કારણે પૂરની સ્થિતિ સર્જાઈ. આવી જ અસ્થિરતા શિયાળામાં પણ જોવા મળે છે.

ઠંડીથી પાકને અસર થશે

લા નીનાની સીધી અસર રવિ અને ખરીફ પાક પર પણ જોવા મળશે. માર્ચ અને એપ્રિલમાં વધારે ઠંડી અને વરસાદને કારણે ખેડૂતોને નુકસાન થઈ શકે છે. તેમણે કહ્યું કે પ્રશાંત મહાસાગરના પવનો વિષુવવૃત્તની સમાંતર પશ્ચિમ તરફ ફૂંકાય છે, જે ગરમ પાણીને દક્ષિણ અમેરિકાથી એશિયા સુધી લઈ જાય છે. અલ નીનો અને લા નીના જેવી અસરો માત્ર હવામાનને જ નહીં પરંતુ વૈશ્વિક અર્થતંત્ર અને પર્યાવરણને પણ અસર કરે છે.

વધુ વાંચો : મહિલાઓને પણ કમાવાનો અને ભણવાનો પુરો અધિકાર, એકલા પુરુષોને મળવો ખોટું- HC

લા નીનાની અસર સામાન્ય રીતે 9 થી 12 મહિના સુધી રહે

અલ નીનો અને લા નીનાની અસર સામાન્ય રીતે 9 થી 12 મહિના સુધી રહે છે, પરંતુ તેમના આવવા માટે કોઈ નિશ્ચિત સમય નથી. આ ચક્ર દર 2 થી 7 વર્ષે થાય છે અને તેની અસર વિશ્વના વિવિધ ભાગોમાં આબોહવાને અસર કરે છે. ખાસ કરીને ભારતનું ચોમાસું પ્રશાંત મહાસાગરની આબોહવા પર નિર્ભર છે, જેના કારણે આબોહવામાં કોઈપણ ફેરફારની સીધી અસર ભારતના હવામાન પર પડે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ