BIG NEWS / ભાજપને લાગશે જોરદાર ઝટકો? ફરી નવા-જૂની કરવાની તૈયારીમાં નીતિશ કુમાર, તમામ પાર્ટીઓએ બોલાવી બેઠક 

• બિહારની રાજનીતિમાં નવો વળાંક, ભાજપ JDUનું ગઠબંધન તૂટી શકે છે
• ગઠબંધનને બચાવવા માટે ભાજપ દ્વારા છેલ્લા પ્રયાસો, નીતિશકુમાર વિરોધપક્ષ સાથે સંપર્કમાં
• આજે JDUના સાંસદો અને ધારાસભ્યોની બેઠકમાં JDU લેશે અંતિમ નિર્ણય
• RJDની બેઠકમાં પહોંચેલા ધારાસભ્યોના મોબાઇલ બહાર મુકાવાયા

બિહારની રાજનીતિમાં નવો વળાંક આવ્યો હોય તેમ બિહારમાં ભાજપ JDUનું ગઠબંધન તૂટી શકે છે. જોકે ગઠબંધનને બચાવવા માટે ભાજપ દ્વારા છેલ્લા પ્રયાસો કરવામાં આવ્યા છે. જેને લઈ  નીતિશ સાથે વાત કરવા માટે તારકિશોર પ્રસાદને જવાબદારી સોંપવામાં આવી છે. નોંધનીય છે કે, નીતિશકુમાર બિહારમાં વિરોધપક્ષ સાથે સંપર્કમાં હોવાનું પણ ચર્ચાઇ રહ્યું છે. આ તરફ હવે આજે JDUના સાંસદો અને ધારાસભ્યોની બેઠક છે. જોકે આ બેઠકમાં જ JDU અંતિમ નિર્ણય લેશે. સૂત્રો મુજબ RJD JDUની સાથે ગઠબંધન માટે તૈયાર છે. જોકે RJDએ ભાજપ સાથે ગઠબંધન તોડવા શરત રાખી હોવાનું પણ ચર્ચાઇ રહ્યું છે. 

RJDના ધારાસભ્યો બેઠક માટે પહોંચ્યા, તમામ ધારાસભ્યોના મોબાઈલ ફોન બહાર રાખવામાં આવ્યા 

JD(U) અને BJP વચ્ચે અણબનાવના અહેવાલો વચ્ચે RJD ધારાસભ્યો અને નેતાઓ પટનામાં લાલુ પ્રસાદ યાદવના નિવાસસ્થાને પહોંચ્યા. મોટી વાત એ છે કે, તમામ ધારાસભ્યોના મોબાઈલ ફોન મીટિંગ રૂમની બહાર રાખવામાં આવ્યા છે. આરસીપી સિંહના પાર્ટીમાંથી બહાર નીકળવાના પરિણામો અંગે ચર્ચા કરવા JDU ધારાસભ્યોની બેઠક બોલાવવામાં આવી છે. એવું માનવામાં આવે છે કે બહુ જલ્દી નવા ગઠબંધન સાથે નવી સરકાર બની શકે છે. આજે જેડીયુના ધારાસભ્યો અને સાંસદોની બેઠકમાં અંતિમ નિર્ણય લેવામાં આવી શકે છે. 

Bihar | RJD MLAs & leaders arrive at the residence of party chief Lalu Prasad Yadav, in Patna. The party will hold a meeting at 11 am today amid reports of rifts b/w JD(U) & BJP in the state.

Mobile phones of all MLAs are being kept outside the meeting room. pic.twitter.com/DFZP54bOvp

— ANI (@ANI) August 9, 2022

જેડીયુ રાજ્યની તમામ વિપક્ષી પાર્ટીઓના સંપર્કમાં 

બિહારના મુખ્યમંત્રી નીતીશ કુમાર આઠ વર્ષ જૂના ઈતિહાસનું પુનરાવર્તન કરવાના આરે છે. જ્યારે ભાજપ નાયબ મુખ્ય પ્રધાન તારકિશોર પ્રસાદ દ્વારા ગઠબંધનને બચાવવા માટે અંતિમ પ્રયાસ કરી રહ્યું છે, જેડી(યુ) રાજ્યના તમામ વિરોધ પક્ષોના સંપર્કમાં છે. વાસ્તવમાં ભાજપ-જેડીયુ વચ્ચે વધતા જતા મતભેદનું કારણ પૂર્વ કેન્દ્રીય મંત્રી આરસીપી સિંહે જણાવ્યું હતું. નીતીશને ડર છે કે, મહારાષ્ટ્રમાં એકનાથ શિંદેની તર્જ પર ભાજપ તેમને આરસીપી દ્વારા બિહારમાં સત્તા પરથી હટાવવાનો પ્રયાસ કરી રહી છે.

Bihar | MLAs of Left parties also arrive at the residence of RJD chief Lalu Prasad Yadav in Patna. RJD MLAs are already present here. pic.twitter.com/3D4z10fcRS

— ANI (@ANI) August 9, 2022

નીતિશ-તારકિશોર બેઠક પર નજર

JD(U) એ અલગ રસ્તો અપનાવવાના સંકેત આપ્યા બાદ ભાજપ ગઠબંધનને બચાવવા માટે છેલ્લા પ્રયાસ કરી રહી છે. આ એપિસોડમાં પાર્ટીના પ્રદેશ અધ્યક્ષ સંજય જયસ્વાલ, ડેપ્યુટી સીએમ તારકિશોર પ્રસાદ સહિત કેટલાક વરિષ્ઠ નેતાઓ નીતિશના નજીકના મિત્ર અને રાજ્યના શિક્ષણ મંત્રી વિજય ચૌધરીને મળ્યા છે. આ પછી નીતીશ અને તારકિશોરની બેઠકનો પ્રસ્તાવ છે. આ બેઠક બાદ મંગળવારે જેડીયુના ધારાસભ્યો અને સાંસદોની બેઠક થશે. આ બેઠકમાં અંતિમ નિર્ણય લેવામાં આવશે.

બિહારમાં રાજકીય પરિવર્તનની અટકળો પર ભાજપનું મૌન 

બિહારમાં રાજકીય પરિવર્તનની અટકળો વચ્ચે ભાજપની રાજ્ય એકમ તરફથી હજુ સુધી કોઈ પ્રતિક્રિયા આવી નથી. જોકે મોડી સાંજે નાયબ મુખ્ય પ્રધાન તારકિશોર પ્રસાદ અને બિહાર વિધાનસભાના અધ્યક્ષ વિજય કુમાર સિન્હાના નિવાસસ્થાને પાર્ટીના નેતાઓ બંધ રૂમમાં મળ્યા હતા, પરંતુ પરિણામ શું આવ્યું તેના પર કોઈ બોલવા તૈયાર નહોતું. રાજ્યમાં રાજકીય પરિવર્તનની અટકળો વચ્ચે એક ડગલું આગળ વધીને, રાષ્ટ્રીય સ્તરે ભાજપના મુખ્ય પ્રતિસ્પર્ધીના રાજ્ય એકમે એકપક્ષીય રીતે નીતિશને બિનશરતી સમર્થન જાહેર કર્યું છે જો તે ભાજપ સાથે સંબંધ તોડી નાખે છે. 

જાણો બિહાર વિધાનસભાની સ્થિતિ શું છે ? 

બિહાર વિધાનસભામાં RJD પાસે 79, BJP 77, JDU 45, કોંગ્રેસ 19, CPI(ML) 12, હિન્દુસ્તાની અવામ મોરચા 4, CPI અને CPI(M) 2-2 છે. આ સિવાય AIMIM પાસે એક અને એક અપક્ષ ધારાસભ્ય છે. એક વિધાનસભા બેઠક ખાલી છે. બિહાર વિધાનસભામાં કુલ 243 સભ્યો છે. આ રીતે, બહુમતી માટે કોઈપણ પક્ષને 122 ધારાસભ્યોની જરૂર પડશે.