દોઢ વર્ષ પહેલા નિકાહ થયો હતો. ઘરમાં નાનો મહેમાન આવનારો હતો. પત્નીને ડિલીવરી માટે હોસ્પિટલ લઈ જવામાં આવી. ત્યાં તેનો કોરોના ટેસ્ટ પોઝિટિવ આવ્યો હતો. જેની જાણ પતિને થતા તે પત્નીને હોસ્પિટલમાં જ છોડીને ભાગી ગયો હતો.
ટેસ્ટ પોઝિટિવ આવતા તેનો પતિ તેને છોડીને ભાગી ગયો હતો
પીડિતા 8 દિવસ સુધી કોરોનાની જંગ લડી અને જીતી
સિઝેરિયન સર્જરીમાં મોડુ થતા બાળકનું ગર્ભમાં જ મોત નિપજ્યું હતુ
જ્યારે હોસ્પિટલના સ્ટાફે પતિને ફોન કરી જાણે કરી તેને બોલાવવાનો પ્રયાસ કર્યો ત્યારે તેણે પત્નીને ઓળખવાની જ ના પાડી દીધી. ત્યારે સિઝેરિયન સર્જરીમાં મોડુ થતા બાળકનું ગર્ભમાં જ મોત નિપજ્યું હતુ. તેમ છતાં પતિ તેને પુછવા સુદ્ધા આવ્યો નહોતો. પીડિતા 8 દિવસ સુધી કોરોનાની જંગ લડી અને જીતી. તે સાજી થઈને પિયર ચાલી ગઈ હતી.
મહિલાનું કહેવું છે કે તે પતિની વિરુદ્ધ કોર્ટમાં જશે. ઈંન્દિરાનગરની હિના (24)ના નિકાહ ફેબ્રુઆરી 2019માં ચાંદન ગામના રહેવાસી ફકરુલ સાથે થયા હતા. ગત 4 જુલાઈના રોજ તેને ડિલીવરી માટે હોસ્પિટલ લઈ જવામાં આવી હતી.
જ્યાં તેનો કોરોના ટેસ્ટ પોઝિટિવ આવતા તેનો પતિ તેને છોડીને ભાગી ગયો હતો. અંતે તેના પિયરમાં ફોન કરી તેના પિતાને જાણ કરવામાં આવી હતી. સસરાએ જમાઈના નંબર પર ફોન કર્યા તો તેણે કહ્યું હતું કે કોરોના દર્દી સાથે તેનો કોઈ સંબંધ નથી. આ બાદ હોસ્પિટલમાં હિના એકલી કોરોનાની જંગ લડતી રહી. હિનાની સારવાર માટે તેની બહેન પહોંચી હતી. બન્નેને લોકબંધુ હોસ્પિટલ મોકલી દેવામાં આવ્યા હતા.