ભાવુક / VIDEO: શહીદને વીરાંગના પત્નીએ આપી મુખાગ્નિ, હૈયું ચિરાઈ જાય તેમ ચીસ પાડી કહ્યું I Love u Kuldeep

વીર યોદ્ધાને વીરાંગનાએ આપી વિદાય 
તમિલનાડુના કુન્નુરમાં હેલિકોપ્ટર ક્રેશમાં બલિદાન આપનાર શહીદ કુલદીપ સિંઘનો પાર્થિવ દેહ શનિવારે રાજસ્થાનમાં વતન ઝૂંઝુંનુ લાવવામાં આવ્યો હતો. ગામ આખું પોતાના વીર સપૂતને વિદાય આપવા માટે હિબકે ચડ્યું. શહીદની પત્નીની હાલત જોઈ સૌ કોઈની આંખોમાં આંસુ આવી ગયા હતા. 

વીડિયો હૃદય કંપાવી નાંખે તેવો 
સૈન્ય સન્માન સાથે કુલદીપ સિંઘની અંત્યેષ્ટિ કરવામાં આવી હતી જેમા મોટી સંખ્યામાં લોકો ભેગા થયા અને શહીદો અમર રહોનાં નારા લગાવ્યા હતા. વીર યોદ્ધાની વિદાયમાં સૌથી ભાવુક ક્ષણ આવી જ્યારે પતિને મુખાગ્નિ આપ્યા બાદ વીરાંગના તૂટી પડી અને હૈયું ચિરાઈ જાય તેમ આઈ લવ યુ કુલદીપની ચીસો પાડતી રહી.

#WATCH राजस्थान: स्क्वाड्रन लीडर कुलदीप सिंह के पार्थिव शरीर का ससम्मान झुंझुनू में उनके पैतृक गांव में अंतिम संस्कार किया गया। #TamilNaduChopperCrash pic.twitter.com/QLCieOSPyw

— ANI_HindiNews (@AHindinews) December 11, 2021

વીરાંગનાએ પતિને કર્યું આખરી સેલ્યુટ, ભલભલા રડી પડ્યા 
શહીદ કુલદીપનો પાર્થિવ દેહ ગામમાં પહોંચતા હજારોની સંખ્યામાં યુવાનો રસ્તા પર ઉતરી આવ્યા હતા. પત્ની અને કુલદીપની બહેન દિલ્હીથી પાર્થિવ દેહની સાથે આવ્યા હતા. કુલદીપનાં પત્ની યશ્વિની પતિની તસવીરને છાતીમાં લગાવીને બેઠી રહી. આખો દિવસ તે ગુમસમ રહી અને પાર્થિવ દેહને જોતી રહી. કેટલાય સમય સુધી તે શાંત ઊભી રહી, પરંતુ જેવી જ ચિતાને મુખાગ્નિ આપવામાં આવી પહેલા જય હિન્દનાં નારા લગાવ્યા અને પછી પતિને સેલ્યુટ કરતાં કરતાં તૂટી પડી. યશ્વિનીની ચીસોથી ઉપસ્થિત સૌ કોઈનાં હૃદય કંપી ઉઠયા હતા અને આંખોમાં આંસુ આવી ગયા હતા.