વડોદરામાં જજની પત્નીએ પતિ અને સાસરિયા સામે નોંધાતી જાતીય શોષણની ફરિયાદ, પોલીસે ગુનો નોંધી હાથ ધરી તપાસ
પરિણીતાએ જજ પતિ સામે નોંધાવી ફરિયાદ
સાસુ-સસરા અને પતિ સામે ફરિયાદ
જાતીય શોષણ અને દહેજની માગ કરતા હોવાની ફરિયાદ
મહિલાઓ અને દિકરીઓની સુરક્ષા પર અવારનવાર સવાલો ઉઠે છે. દિકરી કે પરિણીતા, ઘરમાં હોય કે ઘરની બહાર, ક્યારેક અજાણી વ્યક્તિ તો ક્યારેક ઘરેલુ હિંસાનો જ ભોગ બને છે. ઘરેલુ હિંસાના અનેક કેસો કોર્ટમાં ચાલી રહ્યા છે. ત્યારે વડોદરામાં જજના ઘરમાં જાતીય શોષણનો કેસ નોંધાયો. આ કેસ નોંધાવનાર બીજુ કોઇ નહી પરંતુ જજના પત્ની જ છે.
ત્રીજી પુત્રીનો જન્મ થતા સાસરિયા વાળા મારપીટ કરતા
ઘટનાની વિગતે વાત કરીએ તો, વડોદરામાં પરિણીતાએ જજ પતિ સામે ફરિયાદ નોંધાવી છે. સાસુ-સસરા અને પતિ સામે મહિલા પોલીસ સ્ટેશનમાં ફરિયાદ નોંધાવી છે. દહેજ અને જાતીય શોષણની ફરિયાદ નોંધાવી છે. પરિણીતાનું કહેવુ છે કે ત્રીજા સંતાનમાં પુત્રીનો જન્મ થતા સાસરિયા પક્ષ વાળા નારાજ છે. જેને કારણે સાસરિયા વાળા મારપીટ કરતા હતા.
આરોપી પતિ છે જજ
એક તરફ વકીલ ન્યાય અપાવવાનું કામ કરે છે તો બીજી તરફ વકીલ પર જ પત્નિ ફરિયાદ નોંધાવે છે. વકીલ દ્વારા જનતા કેસનુ નિરાકરણ લાવવામાં આવે છે ત્યારે અહીં તો ઘરમાં પોતાની જ પત્ની સાથે વકીલ અને તેના પરિવારજનો જાતીય શોષણ કરી રહયા હોવાનું સામે આવ્યું છે. જજ પતિ દિપક ચૌહાણ હાદોદ ખાતે કાર્યરત છે. પોલીસે હાલમાં દહેજ માંગવાની કલમો હેઠળ ફરિયાદ નોઁધીને વધુ તપાસ હાથ ધરી છે. ત્યારે અહી સવાલ એ થાય છે કે પુત્રીના જન્મને લઇને ક્યાં સુધી મહિલાઓને જવાબદાર ઠેરવવામાં આવે છે ? આવા ભણેલા ગણેલા જજ થઇને પત્ની સાથે અમાનુષી વર્તન કેવી રીતે કરી શકો ? લોકોના હક અને ન્યાય માટે જજ કોર્ટમાં કેસ ચલાવે છે તો પોતાની પત્ની સાથે આ પ્રકારનું વર્તન કેવી રીતે કરી શકો ?