ઉત્તર પ્રદેશમાં ભાજપના નેતાને તેની પત્નીએ બીજી સ્ત્રી સાથે રંગે હાથ પકડી પાડ્યા છે. પતિને બીજી સ્ત્રી સાથે જોતાની સાથે જ પત્ની ગુસ્સે થઈ ગઈ હતી અને ત્યાં જ ઝઘડો શરુ કરી દીધો હતો. આ ઘટના પોલીસ સ્ટેશન સુધી પહોંચી છે.
ભાજપના નેતા અન્ય સ્ત્રી સાથે રંગેહાથ ઝડપાયા
નેતાની પત્નીએ પતિને અન્ય સ્ત્રી સાથે પકડ્યા છે
આ મામલે બન્નેએ સામ સામી ફરિયાદ નોંધાવી હતી
પત્ની ઘરે પહોંચી તો પતિ અન્ય સ્ત્રી સાથે ...
લખનોઉ ભાજપના કિસાન મોર્ચાના રાષ્ટ્રીય કાર્યકરણીના સભ્ય શ્રીકાંત ત્યાગી ગોમતી નગર એક્સટેંશનના ગ્રીનવુડ એપાર્ટમેન્ટમાં એક ફ્લેટમાં ભાડે રહે છે. રવિવારે અચાનક તેની પત્ની 2 બાળકો સાથે અહીં પહોંચી ગઈ હતી. પરંતુ અહીં પોતાના પતિને બીજી સ્ત્રી સાથે જોઈ ભડકી ગઈ હતી. નોંધનીય છે કે શ્રીકાંત ત્યાગીનું ઘર નોઈડામાં છે.
બન્ને મહિલાઓની વચ્ચે મારપીટ થઈ
ત્યાગીની પત્ની અનુ જ્યારે ફ્લેટની અંદર પ્રવેશી ત્યારે એક સ્ત્રી ફ્લેટની બહાર આવી રહી હતી. આ મહિલાને જોઈ અનુના ગુસ્સાનો પાર ન રહ્યો. બન્ને મહિલાઓની વચ્ચે બોલાચાલીની સાથે મારપીટ પણ થઈ હતી. આ મારપીટમાં બન્ને મહિલાઓનો મોબાઈલ તુટી ગયો હતો.
આ મામલે બન્નેએ સામ સામી ફરિયાદ નોંધાવી હતી
અનુ પતિ ત્યાગીને લઈને પોલીસ સ્ટેશન પહોંચી હતી. જ્યાં તેણે ફરિયાદ દાખલ કરાવી હતી. જેમાં તેણે લખાવ્યું હતું કે તેના પતિના અન્ય સ્ત્રી સાથે લગ્નેત્તર સંબંધો છે. જ્યારે સામેવાળી સ્ત્રીએ અનુએ તેની સાથે મારપીટ કરી હતી. આમ પોલીસ સ્ટેશનમાં સામસામી ફરિયાદ દાખલ થઈ હતી.