લવ અને લોચા... / પત્ની બોલી BFને કરું છું પ્રેમ... પતિએ કર્યું એવું કે લોકો કરી રહ્યા છે સલામ!

• બિહારના જમુઈથી સામે આવી અનોખી લવ સ્ટોરી 
• પતિએ કરાવ્યા પત્નીના લગ્ન
• સોશિયલ મીડિયા પર વાયરલ થયો વીડિયો 

બિહારના જમુઈથી સામે આવેલી આ કહાણી બોલીવુડ ફિલ્મોથી કંઈ કમ નથી. પ્રેમીની આ કહાનીમાં સસ્પેન્સ, રોમાંસ, થ્રિલર, ઈમોશન બધુ છે. પરંતુ આ કોઈ ફિલ્મી કહાની નથી. પરંતુ રિયલ લાઈફ સ્ટોરી છે. જ્યાં એક પતિએ પોતાની પત્નીના લગ્ન તેના પ્રેમી સાથે કરાવ્યા. સમાજની સાને થયેલા આ લગ્નમાં પતિએ મોટુ મન રાખી આખો વીડિયો પર બનાવ્યો. પત્નીની પ્રેમી સાથે લગ્ન કરાવવાની આ ઘટના ગયા અઠવાડિયાની છે. પરંતુ તેનો વીડિયો સોમવારે જ સોશિયલ મીડિયા પર વાયરલ થયો. 

બે શહેરોની વચ્ચે બની પ્રેમની કહાની 
વીડિયો અનુસાર પતિનું નામ વિકાસ કુમાર છે. તેની પહેલી પત્નીનું મોત થઈ ચુક્યું છે. વિકાસે શિવાની નામની યુવતીથી બે વર્ષ પહેલા લગ્ન કર્યા હતા અને જમુઈથી બેંગ્લોર આવીને રહેવા લાગ્યા. જ્યાં તે નોકરી કરવા લાગ્યો પરંતુ આ બન્નેની કહાનીમાં થોડા દિવસો બાદ યુવતીના પ્રેમી સચિનની એન્ટ્રી થઈ. જ્યાર બાદ આ સ્ટોરીમાં ટ્વીસ્ટ આવ્યો.

શિવાનીની પાછળ સચિન પણ પહોંચ્યો બેંગ્લોર 
લગન્ના અમુક દિવસો બાદ શિવાનીના સામાનમાંથી સચિનની તસ્વીર મળી. તે સમયે તો વિકાસે તે તસ્વીર વિશે તેની પુછપરછ ન કરી પરંતુ અમુક દિવસો બાદ સચિન પણ બેંગ્લોર પહોંચી ગયો. જ્યાં તે પોતાના કાકાના ત્યાં રહેવા લાગ્યો અને છુપાઈ છુપાઈને શિવાનીને મળવા લાગ્યો. જ્યારે આ વાતની જાણકારી વિકાસને થઈ તો તેણે શિવાનીને સમજાવવાનો ખૂબ પ્રયત્ન કર્યો અને બન્નેના મળવા પર આપત્તિ પણ દર્શાવી. તેમ છતાં સચિન અને શિવાની મળતા રહ્યા. 

આખરે વિકાસે લીઘો આ નિર્ણય 
શિવાની અને સચિનના પ્રેમની આગળ આખરે વિકાસે જુકવું પડ્યું. તેમણે બન્નેના લગ્ન કરાવવાનો નિર્ણય કર્યો અને શિવાનીને આ નિર્ણય વિશે જણાવ્યું, જેની તેણે હા પાડી. ત્યાર બાદ બેંગ્લોરમાં જ વિકાસે સચિનને બોલાવીને શિવાનીના લગ્ન કરાવી દીધા. સમાજના સામે થયેલા આ લગ્નનો વીડિયો પણ વાયરલ થઈ રહ્યો છે. આ વીડિયો વિકાસે જ બનાવ્યો છે જે સોમવારે વાયરલ થયો છે.