જબરો કિસ્સો / ભારે દિલબર મહિલા ! પતિને છોકરીઓ સાથે સંબંધ બાંધવાની આપી મંજૂરી, કારણ જાણીને ચોંકી જવાશે

• અમેરિકાના ન્યૂયોર્કની મહિલાએ કર્યું ચોંકાવનારુ કામ
• પતિને બીજી મહિલાઓ સાથે ફ્લર્ટ કરવાની આપી મંજૂરી
• કહ્યું કે પતિ બીજી સ્ત્રીઓ સાથે સંબંધ રાખે તો લગ્નજીવન સારુ ચાલે 

લગ્ન પછી લગ્નેત્તર સંબંધ રાખવાથી સંબંધોમાં ખટાશ તો આવે જ છે સાથે સાથે સમાજ અને કાયદાની નજરમાં પણ ગુનો બને છે. પરંતુ, જો એવું કહેવામાં આવે કે પુરુષ તેની પત્નીની સંમતિ પછી અન્ય સ્ત્રીઓ સાથે લગ્નેતર સંબંધો બાંધે છે, તો શું તમે તે માની શકશો? 

પતિનો બીજી મહિલાઓ સાથે સંબંધ પત્નીને સ્વીકાર્ય 
અમેરિકામાં બનેલા એક કિસ્સાએ ખરેખર લોકોને ચોંકાવી દીધાં છે. ન્યૂયોર્કની મોનિકા હલ્ટ નામની મહિલાએ પોતાના પતિ પ્રત્યેના પ્રેમને એક અલગ જ સ્તર પર પહોંચાડી દીધો છે. તે માને છે કે તેની પહેલી જવાબદારી તેના પતિને ખુશ કરવાની છે. તેથી જ્યારે તે રસોઈ કે સફાઈ જેવા ઘરના અન્ય કામમાં વ્યસ્ત હોય છે ત્યારે તેનો પતિ અન્ય મહિલાઓ સાથે ચેનચાળા કરે છે અને તેની સાથે સંબંધ રાખે છે. મહિલાનું કહેવું છે કે પતિના આવા કામથી તેને કોઈ ફર્ક પડતો નથી. 

પતિ બીજી મહિલાઓ સાથે સંબંધ રાખો તો સંબંધ લાંબો ચાલે 
મોનિકા હલ્ટનું માનવું છે કે તેનું પહેલું કામ તેના પતિને ખુશ કરવાનું છે, પછી ભલેને તેની જરૂરિયાત ગમે તે હોય, પછી ભલે તે અન્ય મહિલાઓ સાથે સંબંધ બનાવવા માંગતો હોય. મોનિકાએ કહ્યું કે, પત્ની તરીકે તેનો પ્રાથમિક હેતુ તેના પતિ જ્હોનને ખુશ કરવાનો છે. તેણે એમ પણ કહ્યું હતું કે તેનું માનવું છે કે તેના પતિને અન્ય મહિલાઓ સાથે ફ્લર્ટ અને સૂવા દેવાથી તેમના સંબંધોને ઘણો ફાયદો થાય છે.મોનિકા ઘરની દરેક વસ્તુનું ધ્યાન રાખે છે, ગૃહિણી તરીકે કામ કરે છે, જેથી તેના પતિ પાસે તેની જરૂરિયાતનું બધું જ હોય. જ્યારે તે રસોઈ બનાવે છે, સાફ કરે છે અને ઘરના કામનું ધ્યાન રાખે છે, ત્યારે મોનિકા તેના પતિને અન્ય મહિલાઓ સાથે સમય પસાર કરવા માટે મોકલે છે.

સુંદર મહિલાઓ સાથે સંબંધ બાંધવાની પતિને આપી મંજૂરી 
મહિલાએ દાવો કર્યો હતો કે તેણે તેના પતિ માટે દૈનિક દિનચર્યા નક્કી કરી છે જે પતિએ સ્વીકારી લીધી છે. મોનિકાનું કહેવું છે કે કેટલીક મહિલાઓને ભલે મારું કામ પસંદ ન આવે પરંતુ તેનાથી મને ઘણી રાહત મળે છે. મહિલાએ જણાવ્યું કે, તેના પતિના માત્ર સુંદર મહિલાઓ સાથે જ સંબંધો છે. જ્હોન સુંદર મહિલાઓ તરફ આકર્ષાય છે.