પતિ, પત્ની ઔર વો / અમરેલીમાં પતિ છૂટાછેડા વિના બીજા લગ્ન કરે તે પહેલા જ પત્નીની થઇ એન્ટ્રી, ભરબજારે કરી મારામારી

• છૂટાછેડા વિના જ લગ્ન કરવા પહોંચ્યો યુવક
• જેતપુરનો યુવક લગ્ન કરવા પહોંચ્યો
• લગ્ન પહેલા પત્નીની એન્ટ્રી 

અમરેલીમાં વધુ એક પતિ, પત્ની ઔર વોનો કિસ્સો સામે આવ્યો છે. જેતપુરનો યુવક છૂટાછેડા વિના જ વડિયામાં બીજા લગ્ન કરવા પહોંચ્યો હતો. જ્યાં યુવક લગ્ન કરે તે પહેલા પત્નીની એન્ટ્રી થઇ અને પતિ-પત્ની વચ્ચે ઉગ્ર બોલાચાલી થઇ હતી. વડિયામાં પત્ની સાથે અન્ય મહિલાઓ પણ ધસી આવી હતી અને પતિને માર માર્યો હતો. 

જાહેરમાં મારામારી થતાં તમાસો જોવા માટે સ્થાનિકોના ટોળેટોળા ઉમટી પડ્યાં હતા. પોલીસને જાણ થતાં ઘટના સ્થળે પહોંચી હતી અને મામલો થાળે પાડ્યો હતો. હાલ તો પતિ પત્નીને પોલીસ સ્ટેશન લઇ જવાયા છે અને આગળની કાર્યવાહી હાથ ધરી છે.

અમરેલીના ખાંભામાં પતિએ રિસામણે ગયેલી પત્નીનું નાક કાપ્યું હતું

અમરેલીના ખાંભામાં પતિએ રિસામણે ગયેલી પત્નીનું નાક કાપ્યું હતું. તીક્ષ્ણ હથિયારથી પતિએ તેની પત્નીના નાક પર હુમલો કર્યો હતો. જેમાં પત્નીનું નાક કપાયું હતું. આ ઘટનાના પગલે મહિલાના પરિવારે તેને તાત્કાલિક હોસ્પિટલ ખસેડી હતી. તો બીજી તરફ આરોપી પતિ ફરાર થઈ ગયો હતો. હાલ પોલીસે પતિની શોધખોળ શરૂ કરી તેને ઝડપી લેવા કાર્યવાહી શરૂ કરી છે.