હત્યા / ફેસબુક પર આ એક આંકડો જોઈ ગયો પતિ અને પથ્થરથી મારી-મારીને કરી દીધી હત્યા

• રાજસ્થાનના આમેરમાં એક વ્યક્તિએ શંકામાં આવી પોતાની પત્નીની નિર્દયતાથી હત્યા કરી નાંખી
• જયપુર-દિલ્હી હાઇવે પર એક સુમસામ જગ્યાએ રેશમાની હત્યા કરી નાંખી
• પત્ની રેશમાના હતા ફેસબુક (Facebook) પર લગભગ 6 હજાર ફોલોઅર

તપાસમાં જાણવા મળ્યું છે કે હત્યા પહેલા બંને પતિ-પત્નીએ હાઇવે પર એક જગ્યાએ રોકાઇે ચા પીધી હતી. બંનેને બે મહીનાની પુત્રી પણ છે જે તેની નાની પાસે રહે છે. બંનેના બે વર્ષ પહેલા લવ મેરેજ થયા હતા. જોકે, આંતરીક મતભેદને પગલે બંને પતિ-પત્ની બે મહીનાથી અલગ રહી રહ્યા હતા. 

સોશિયલ મીડિયાને કારણે ચરિત્ર પર શંકા

પોલીસના અનુસાર, રેશમા સોશિયલ મીડિયા પર સક્રિય હતી. તેના ફેસબુક (Facebook) પર લગભગ 6 હજાર ફોલોઅર હતા. આ મુદ્દા પર બંને વચ્ચે ઝઘડા થતા રહેતા હતા. આરોપી અયાઝને પોતાની પત્નીના ચરિત્ર પર શંકા હતી. રેશમા પોતાની પુત્રીને લઇને બે મહીના પહેલા પોતાની માતાના ઘરે રહેતી હતી. ત્યારે આરોપીની પત્નીએ તલાકની માંગ કરી હતી. તેના બાદ અયાઝે તેની હત્યા કરવાનો નિર્ણય લીધો હતો. 

સમાધાનના નામે બોલાવી હત્યા કરાઇ

આરોપી અયાઝે કલવાર રોડ પર એક એપાર્ટમેન્ટમાં રેશમાને સમાધાન કરવા માટે બોલાવીને દારુ પીવડાવ્યો. ત્યારબાદ રાત્રે જયપુર-દિલ્હી હાઇવે પર એક સુમસામ જગ્યાએ રેશમાની હત્યા કરી નાંખી. તેનો ચહેરો પથ્થરથી એટલો કચડી નાંખવામાં આવ્યો, જેથી ઓળખ ન થઇ શકે. બાદમાં આરોપી રેશમાની સ્કૂટી ફેંકીને નાસી છુટ્યો હતો.