મધ્યપ્રદેશમાં એક યુવતીનો પતિ રાતે તૈયાર થતો એક સ્ત્રીની જેમાં માથે બિંદી, હોઠે લીપસ્ટીક અને કાનમાં બુટ્ટી પહેરતો મહિલાએ નોંધાવી ફરિયાદ
યુવક યુવતીને જેમ વસ્ત્રો પહેરતો
પોતાની પત્નીથી દુરી બનાવી રાખતો
કોર્ટે ફટકારી સજા અને ભરણપોષણનો આદેશ આપ્યો
યુવતીએ પોલીસ ફરિયાદ નોંધાવી
મધ્યપ્રદેશના ઇન્દોરની એક મહિલાએ પોતાના પતિ વિશે ખુલાસો કર્યો જે જાણીને તમને નવાઈ લાગશે. લાસુડિયા વિસ્તારમાં રહેતી આ મહિલાના લગ્ન 32 વર્ષીય એન્જિનિયર દિલેશ્વર (પરિવર્તિત નામ) સાથે 29 એપ્રિલ, 2018ના રોજ થયા હતા. બે વર્ષના અફેર બાદ બંનેએ લગ્ન કર્યા હતા. લગ્ન બાદ દિલેશ્વર પત્નીને લઈને પુણે ગયો. તેની સાથે આખો પરિવાર પણ પુણે શિફ્ટ થઇ ગયો હતો. પુણેમાં દિલેશ્વર, સાસુ-સસરા અને નણંદ મેંણા ટોણી મારતા રહ્યા. આ પછી પીડિતાએ ઇન્દોર આવીને સમગ્ર મામલે મહિલા પોલીસ સ્ટેશનમાં ફરિયાદ નોંધાવી હતી. પોલીસે ભોગ બનનારની ફરિયાદ પરથી પતિ, સાસુ અને નણંદ સામે વિવિધ કલમો હેઠળ ગુનો નોંધી જેલમાં ધકેલી દીધા હતા.
પત્નીએ રાખી પતિ પર નઝર
પીડિતાએ આ મામલે પોલીસને જણાવ્યું કે પતિ લગ્ન બાદ હંમેશા દૂર દૂર રહેતો હતો. એમના વચ્ચે ક્યારેય નિકટતા વધી નહીં. જ્યારે પણ તે નજીક આવવાનો પ્રયત્ન કરતી ત્યારે પતિ બીજા રૂમમાં જતો રહેતો. આ દરમિયાન પીડિતાને પતિ પર શંકા ગઈ અને પતિ પર સતત નજર રાખવા લાગી. આ દરમિયાન પત્નીને પતિ વિશે જે ખબર પડી તેનાથી હોશ ઉડી ગયા.
પતિ મહિલાઓ જેવા કપડાં પહેરે છે
પીડિતાને ખબર પડી કે પતિ સાંજે મહિલાની જેમ શૃંગાર કરીને સજે છે. જેમ મહિલાઓ માથામાં હેર બેન્ડ, બિંડિયા, કાનમાં કાનની બુટ્ટી પહેરે છે અને હોઠ પર લિપસ્ટિક લગાવે છે, તેવી જ રીતે પતિ પણ એવી જ એક્ટિંગ કરતો હતો. જ્યારે તેણે આનો વિરોધ કર્યો, ત્યારે તેના પર મારપીટ કરવામાં આવ્યો. ત્યારબાદ પતિ પીડિતાને પુણેથી લાવી અને તેને ઈન્દોર છોડી આવ્યો હતો. ત્યાર બાદ તે ક્યારેય પાછો લેવા ન આવ્યો. આ પછી, પીડિતાએ સમગ્ર કેસની ફરિયાદ પોલીસને કરી હતી અને કોર્ટની શરણ લીધી હતી.
કોર્ટે ભરણપોષણનો આદેશ આપ્યો
કોર્ટના આદેશ પર મહિલા અને બાળ વિકાસ વિભાગે ગોપનીય રિપોર્ટ તૈયાર કરીને કોર્ટમાં રજૂ કર્યો હતો. મહિલા બાળ વિકાસ વિભાગના અહેવાલમાં સાબિત થયું છે કે પીડિતા સામે ઘરેલું હિંસા થઈ હતી. કોર્ટે મહિલાની અરજી પર ચુકાદો આપતા તેના પતિને દર મહિને 30,000 રૂપિયા આપવાનો આદેશ આપ્યો હતો. કોર્ટે એવો પણ આદેશ આપ્યો હતો કે 5 માર્ચ 2021થી ભરણપોષણ પણ ચૂકવવાનું રહેશે.