આક્ષેપ / અમદાવાદમાં લગ્નના 24 વર્ષ બાદ પતિએ પત્નીને આ વાત જણાવી દીધી અને થઇ પોલીસ ફરિયાદ

• ૨૪ વર્ષના લગ્ન જીવનનો અંત લાવનાર પતિ વિરુદ્ધ ફરિયાદ
• મહિલાને રૂપિયા ૧૦ લાખ લઈ આવવા માટે પણ કહેતાં હતાં
• અમદાવાદ પોલીસ સ્ટેશનમાં નોંધાઇ ફરિયાદ

પશ્ચિમ મહિલા પોલીસ સ્ટેશનમાં એક મહિલાએ તેના પતિ અને સાસરિયાં વિરુદ્ધ ઘરેલુ હિંસાની ફરિયાદ કરી છે. મહિલાનાં લગ્ન વર્ષ ૧૯૯૭માં થયાં હતાં. લગ્ન બાદ મહિલાનાં સાસુ-સસરા નણંદ અને દિયર નાની નાની બાબતોમાં તેને મહેણાં ટોણાં મારતાં હતાં. સાસુ તેને કહેતાં હતાં કે તું અમને ગમતી નથી, અમારે તો અન્ય છોકરી સાથે મારા દીકરાનાં લગ્ન કરવાં હતાં પરંતુ અમારે સમાજમાં રહેવાનું હોવાથી આ લગ્ન કર્યાં. એટલું જ નહીં ગાડી લેવા માટે મહિલાને રૂપિયા ૧૦ લાખ લઈ આવવા માટે પણ કહેતાં હતાં.

મહિલાનો પતિ અવારનવાર ફોન પર રાત્રીના કલાકો સુધી કોઇ યુવતી સાથે વાતો કરતો હતો. જોકે મહિલા આ બાબતે કંઈ પૂછે તો તેની સાથે ઝઘડો કરી તેની મારઝૂડ કરતો હતો. એક દિવસ આ યુવતી સાથે મહિલા તેના પતિને તેઓના ઘરમાં જોઈ ગઈ હતી. ત્યારે યુવતીની પત્ની સાથે પતિએ ઓળખાણ કરાવી હતી. મહિલાને શંકા જતાં તેણે પતિનો મોબાઈલ તપાસ્યો હતો. જેમાં તે આ યુવતી સાથે કલાકો સુધી વાત અને મેસેજ કરતા હોવાનું  જાણવા મળ્યું હતું. જોકે એ આ યુવતી સાથેના આડા સંબંધ ની જાણ તેને કરી હતી. પરંતુ તેના પતિએ હવે આવું નહિ કરું તેમ કહેતાં સમાધાન કર્યું હતું.