નેશનલ / Video: સરકારી નોકરીનો પાવર! હાજર થયો તો છોડી દીધી પહેલી પત્ની, ચાવી માંગી તો વાળ પકડી ઢસેડી

યુપીના મોદીનગરમાં ભૂપેન્દ્રપુરી કોલોનીમાં ઘરેલુ ઝઘડાને કારણે જાહેરમાં પત્નીને માર મારવાનો મામલો સામે આવ્યો છે. આરોપીએ પત્નીના વાળ પકડીને તેને ખરાબ રીતે માર માર્યો હતો, જેનાથી તેણી ઘાયલ થઈ ગઈ હતી. આ ઘટનાને લગતા અનેક વીડિયો સોશિયલ મીડિયા પર વાયરલ થઈ રહ્યા છે. પતિ પર સરકારી નોકરી મળ્યા બાદ બીજી સ્ત્રી સાથે લગ્ન કરવાનો આરોપ છે. દંપતીનો કેસ કોર્ટમાં ચાલી રહ્યો છે. મહિલાએ તેના પતિ અને સસરા વિરુદ્ધ ફરિયાદ નોંધાવી છે.

પતિએ કર્યા બીજા લગ્ન

ભૂપેન્દ્રપુરી કોલોનીમાં રહેતી અલ્કાના જણાવ્યા અનુસાર, તેના પતિ પહેલા લગ્ન સમયે ખાનગી નોકરી કરતા હતા . લગ્ન પછી, પતિ સિંચાઈ વિભાગમાં જુનિયર એન્જિનિયર બન્યો. એવો આરોપ છે કે સરકારી નોકરી મળ્યા પછી, પતિએ બીજા લગ્ન કર્યા. આરોપી પતિએ અલ્કા અને તેના બે બાળકોને માર મારવાનું શરૂ કર્યું. અલ્કા તેના બે બાળકો સાથે તેના પતિથી અલગ રહે છે.

અલ્કાએ જણાવ્યું કે તે ઘરકામ

કરીને પોતાના બાળકોનો ઉછેર કરી રહી છે . આરોપ છે કે તેના સાસરિયાઓએ તે જ્યાં રહે છે તે ઘરનું વીજળી કનેક્શન કાપી નાખ્યું હતું અને તેના પતિએ તેને તાળું મારી દીધું હતું. જ્યારે અલ્કા ઘરની ચાવી લેવા તેના પતિ પાસે ગઈ ત્યારે તેણે તેના વાળ પકડીને તેને ખૂબ માર માર્યો.

વધુ વાંચો : એક લાફો ઝીંકી યુવતીને ઊંઘી પાડી દીધી! બેંગલુરુમાં રેપીડો ચાલકની નફફટાઈ, વીડિયો ખીજ ચડે તેવો

કોલોનીના લોકોએ કોઈક રીતે અલકાને બચાવી લીધી. લોકોએ આ લડાઈનો વીડિયો સોશિયલ મીડિયા પર વાયરલ કર્યો. ઘાયલ અલકાને સારવાર માટે હોસ્પિટલમાં મોકલવામાં આવી. મોદીનગરના એસીપી જ્ઞાનપ્રકાશ રાયે જણાવ્યું કે મહિલાને માર મારવાની ઘટના પ્રકાશમાં આવી છે. કેટલાક વીડિયો પણ મળી આવ્યા છે. ફરિયાદના આધારે રિપોર્ટ દાખલ કરવામાં આવશે અને જરૂરી કાર્યવાહી કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ