અમદાવાદમાં એક પતિએ તેની પત્નીને ગરબા રમવા મોકલી પણ પત્ની ગરબા રમવાના બદલે પોતાના પ્રેમી સાથે હતી. જ્યારે સવારમાં 5 વાગ્યે તે ઘરે આવી તો તેના પતિએ તેને રંગેહાથ પકડી લીધી હતી.
સમગ્ર ઘટના વિશે જણાવીએ તો અમદાવાદના સાયન્સ સીટી રોડ પર આવેલ હેતાર્થ પાર્ટી પ્લોટ પર રહેતી 40 વર્ષિય વિવાહિત મહિલા પોતાની 14 વર્ષિય પુત્રી સાથે ગરબા રમવા ગઇ હતી.
તેની પુત્રી રાત્રે 12 વાગ્યે ઘરે આવી પણ તે ન આવતા પતિ ઘરની બહાર બેસી તેની વાટ જોતો હતો. જ્યારે તે મહિલા પોતાના પ્રેમી યુવરાજ બોરાણા સાથે કારમાં ઘરે આવી તો પતિએ તેને રંગેહાથ પકડી લીધી હતી.
પતિએ રંગેહાથ પકડ્યા તો પ્રેમી પોતાની કાર લઇને ત્યાથી ફરાર થઇ ગયો જ્યારે મહિલાના પતિએ તેનો પીછો કર્યો અને થોડી વારમાં તેને પકડી લીધો. ત્યારબાદ બંને વચ્ચે મારપીટ થઇ તો તે દરમિયાન પ્રેમીની બેગ પતિના હાથનાં આવી ગઇ. જે બેગમાંથી એક ગન અને ચાર કારતુસ મળી આવતા પતિએ વસ્ત્રાપુર પોલીસને જાણ કરી હતી.
વસ્ત્રાપુર પી.આઇ. એમ.એમ. જાડેજાએ જણાવ્યું કે આરોપી યુવરાજ બોરાણા વિરુદ્ર કેસ દાખલ કરવામાં આવ્યો છે. તેણે જણાવ્યું છે કે તે કંસ્ટ્રક્શનનો વ્યવસાય કરે છે જેથી તેણે પોતાની પાસે ગન અને કારતુસ રાખ્યા હતા.