કોરોના વાયરસને કારણે ટીમ ઈન્ડિયાના ખેલાડીઓ પણ ઘરમાં કેદ છે. કેપ્ટન વિરાટ કોહલી પણ અત્યારે ઘરમાં જ સમય પસાર કરી રહ્યાં છે. દેશની વર્તમાન સ્થિતિને જોવા હાલ 21 દિવસનું લોકડાઉન જાહેર કરાયેલું છે. ત્યારે બોલિવૂડ સેલેબ્સથી લઈને ક્રિકેટરો ટાઈમપાસ માટે નિતનવા કામ કરી રહ્યાં છે. હાલમાં જ વિરાટનો એક વીડિયો સોશિયલ મીડિયા પર વાયરલ થઈ રહ્યો છે. જેમાં વિરાટને હેર કટ કરાવવાની જરૂર પડી અને પત્ની અનુષ્કાએ પતિનો લુક ચેન્જ કરી દીધો.
ઉલ્લેખનીય છે કે, અત્યારે ક્રિકેટ અને ફિલ્મોની શૂટિંગ બંધ છે. જેથી આ સંકટ સમયમાં અનુષ્કા અને વિરાટ સાથે ટાઈમ સ્પેન્ડ કરી રહ્યાં છે. કોહલી દંપતિ ઘરે જ છે. આ મહામારીના સમયમાં ઘરેથી બહાર ન નીકળવાની પણ અપીલ કરી રહ્યાં છે વિરાટ-અનુષ્કા.
આ દરમિયાન અનુષ્કાએ સોશિયલ મીડિયા પર એક વીડિયો શેર કર્યો છે. જેમાં વિરાટ એક ચેર પર બેઠો છે. અનુષ્કાના હાથમાં કેંચી છે. હકીકતમાં અનુષ્કા વિરાટના લુકને ચેન્જ કરવા માંગે છે. જેથી તે વિરાટની હેર સ્ટાઈલમાં ફેરફાર કરતી જોવા મળી રહી છે. અનુષ્કાએ વીડિયો શેર કરીને લખ્યું- એકાંતવાસ દરમિયાન...42 સેકન્ડના આ વીડિયોમાં વિરાટ કહે છે, મારી પત્ની દ્વારા બેસ્ટ હેર કટ.
હાલ કોવિડ-19 મહામારીને કારણે સમગ્ર રમત જગત થંભી ગયું છે. આવી સ્થિતિમાં વિશ્વભરના ખેલાડીઓને ઝટકો લાગ્યો છે. ઘાતક કોરોના વાયરસની જંગ સામે ટીમ ઈન્ડિયાના તમામ ખેલાડીઓ ઘરે જ સમય પસાર કરી રહ્યા છે.