ચોંકાવનારો બનાવ / ઓહ બાપ રે ! પતિને પડતો મૂકીને બહેન સાથે હનીમૂન મનાવવા ઉપડી ગઈ દુલ્હન, હોશ ઉડી જશે

• ઉત્તરાખંડની રાજધાની દેહરાદૂનનો ચોંકાવનારો બનાવ
• પતિએ લીધું 4.35 લાખનું હનીમૂન પેકેજ
• પત્ની બહેનને લઈને ફરી આવી માલદીવ
• ફોટા જોઈને ખબર પડતાં પતિને લાગ્યો આઘાત 

લગ્ન બાદ લોકો હનીમૂનના સપનાં જોતા હોય છે અને હનીમૂનને સફળ બનાવવા માટે પૂરતી તૈયારી પણ કરી લેતા હોય છે. પરંતુ ઉત્તરાખંડના દેહરાદૂનમાં એક પત્ની તો ભારે ચાલાક નીવડી તે હનીમૂન મનાવવા પતિ સાથે નહીં પરંતુ બહેન સાથે પહોંચી જોકે આ કિસ્સામાં પત્નીએ પતિ સાથે છેતરપિંડી કરી હોવાની ફરિયાદ નોંધાઈ છે. 

શું છે મામલો 
ઉત્તરાખંડની રાજધાની દેહરાદૂનમાં એક ચોંકાવનારો મામલો સામે આવ્યો છે. અહીં એક પત્ની પર તેના પતિ સાથે નહીં પરંતુ બહેનને લઈને હનીમૂન મનાવવા વિદેશ જવાના આરોપસર ફરિયાદ દાખલ થઈ છે. લગ્ન બાદ બુક થયેલા હનીમૂન પેકેજ પર પતિને છોડી પત્નીએ છેતરપિંડી કરી બહેન સાથે વિદેશમાં ફરી હતી. જ્યારે પતિએ આ પેકેજ 4.35 લાખ રૂપિયામાં લીધું હતું. આથી પીડિતાએ પત્ની, ભાભી અને હનીમૂન પેકેજ આપનારી કંપનીના સંચાલક સામે પટેલનગર પોલીસ સ્ટેશનમાં ગુનો દાખલ કરાવ્યો હતો.

શું આરોપ લગાવ્યો પતિએ 
પોલીસના જણાવ્યા અનુસાર, જીએમએસ રોડના રહેવાસી અંકિત ગર્ગે જણાવ્યું હતું કે, તેણે 20 ઓક્ટોબર, 2021 ના રોજ, સિવિલ લાઇન્સ મુઝફ્ફરનગરની રહેવાસી સોનાક્ષી બંસલ સાથે લગ્ન કર્યા હતા. ત્યારબાદ અંકિતે 13 ડિસેમ્બર, 2021 થી 25 જાન્યુઆરી, 2022 સુધી માલદીવમાં હનીમૂન પેકેજ લીધું હતું. આ માટે ટ્રાવેલ ટ્રોપ્સ ગ્લોબલ કંપની ચેન્નઈના ડાયરેક્ટર શ્રીનાથ સુરેશે 4.35 લાખ રૂપિયા ચૂકવ્યા હતા.

હનીમૂન પર જતા પહેલા પત્ની પિયર ગઈ ત્યાંથી લઈને લઈને માલદીવ ઉપડી ગઈ 
હનીમૂન પર જતા પહેલા પત્ની તેના માતા-પિતાના ઘરે ગઈ હતી અને પરત ફરી ન હતી. આ દરમિયાન બંને પરિવારો વચ્ચે અલગ થવા અંગે સમજૂતી થઈ હતી. ત્યારબાદ અંકિતે કંપની પાસેથી બુકિંગ કેન્સલ કરીને રિફંડનો દાવો કર્યો હતો. આરોપ છે કે કંપનીના ડાયરેક્ટર તેને ટાળતા રહ્યા. 6 ઓગસ્ટના રોજ અંકિતે ઈન્સ્ટાગ્રામ પર સોનાક્ષી અને તેની બહેન ઈશિતા બંસલ માલદીવની મુલાકાત લેતી એક પોસ્ટ જોઈ હતી.

શેર થયેલા ફોટા જોઈને પતિને ખબર પડી 
અંકિતને એ પણ ખબર પડી કે કંપનીએ તેના પેકેજ પર સોનાક્ષી અને ઇશિતાને તેની પરવાનગી વિના માલદીવ મોકલ્યા હતા. આ પેકેજમાંથી અંકિતનું નામ કાઢી ભાભીનું નામ નોંધવામાં આવ્યું હતું. આથી પીડિતાએ તેને દગો ગણાવ્યો હતો. પીડિતાના પતિએ પોલીસમાં ફરિયાદ પણ નોંધાવી છે. ઈન્સ્પેક્ટર સૂર્યભૂષણ નેગીએ જણાવ્યું કે, પીડિતાની ફરિયાદ પર આરોપી શ્રીનાથ સુરેશ, અંકિતની પત્ની સોનાક્ષી બંસલ અને તેની બહેન ઈશિતા વિરુદ્ધ કેસ નોંધવામાં આવ્યો છે. તેમણે કહ્યું કે, આ મામલાની તપાસ કરવામાં આવી રહી છે.